صاآآلتي وماادراك ماصالتي**~

السلام عليكم

كيف حالكم يابنات
بصراحه ماقد طلبت شور احد مسويه فاهمه
لك يابنات صالتي لالالا مو معقوله كلمه واحده تكفي >>تخوف 😆 idea:
بيتي صار مستودع كبر راس زوجي
كل الخماخم من عفشنا القديم منطوله هنا وهناك شي بالصاله وشي بالمقلط تقولون مستودع خيري
وطبعا نظرا الي ان صالتي كبيره وماخذه نص مساحة الشقه فا مبينه حووووسه وترفع الظغط من يشوفها احد
زوجي انسان كسول الله يحفظها لنا ذبحني جابلي المغص وانا اقوله يرحم اهلك جب سياره تروح تنطل هالعفش بالزباله والا كانك متحسف عليه وده الحراج
ويازوجي اذن من طين واذن من عجين
ياربي رباااااه
احس اني ابي انطله هو بالزباله وافتك:D
طبعا هالكلام من سنتين اوسنه نص
ودي اعلمكم صورة للصاله المنكوبه بس والله اخاف تقولون وش هالمره
في ذمتي انها نظيفه بس العفش حايس الدنيا مبين وصخه
لاااااا والعاب البزران مجدعه بكل محل كل ماشريت صندوق والاسله خربوها والاكسروها
بالصراحه انا وهالاسره ياذابح يامذبوح مافيها خلاص
مسويه هاي كلاس انا ووجهي
عبالي عندي زوج يفهم والا من الرفاله اصلا سيارته وصخه من اشوفها اهب فيه ولاعندك احد كني اكلم جدار
بنات وش اسوي تكفون الي تعرف تعلمني انا مليت بالصراحه 😎