عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
اخواتي الغاليات ….
موضوعي لليوم موضوع مهم وحساس للغايه قد يبلغ حد الشفقه والرحمه
ووقفت عنده تساؤلات وعلامات تعجب!!!!
الموضوع يدور في راسي من زمان وكنت حابه اني احكي وتنتاقش ونحاول نلاقي حلول
ولاكني كثيرا ما استوقفني القلم وخانتني حروفي وعباراتي
الى ان جاء هذا اليوم فاض همي واستنزفت كلماتي واجبر قلمي على التعبير
بسم الله الرحمن الرحيم
{و قضى ربك ألا تعبدوا إلا إياه و بالوالدين إحسانا إما يبلغن عندك الكبر أحدهما أو كلاهما فلا تقل لهما أف و لا تنهرهما و قل لهما قولا كريما}
اسمعوا… هذه القصه التي حدثت وأدمع لها قلبي ورجف لساني وارتعش جسمي…
في يوم من الايام خرجت الصباح …وكنت رايحه انا وزوجي مشوار… زين
وفي احد الشوارع .. وقف قلبي ولساني انخرس… وجسمي ارتعش … وحسيت بخمول في رجولي … كاني انشليت
وبجد صابني ذهول من هول الموقف…
وقفنا رجل كبير في السن ..العصا اللي يتكئ عليها تشتكي منه… وغطت التجاعيد ملامح وجهه بالكامل…
تفاجأت بهذا الرجل يرمي بنفسه على كبوت سارتنا… وجا من جهتي يعني من الشباك اللي جنبي…
وخبط على الشباك بكل قوته … انا في البدايه خفت منه لانه رمى حاله على سيارتنا .. (( بيجيب لنا جريه ))
المهم … رخيت على زجاج السياره شوي … الا واسمعه يقول مسجد الحمودي .. مسجد الحمودي.. مافهمت منه شي
سأله زوجي … ايش تبي يا والد؟..
رد عليه الرجل وقال له ابي مسجد الحمودي…
ومافي اي احد يوصله…
حزنت عليه كون انه كبير في السن … وما عنده من يوصله في عز هذا الحر والشمس …
فقلت لزوجي يالله!! خلينا نوصله … وانا قلبي يقول طربق .. طربق
قال له زوجي .. اركب يا والدي نوصلك…
والله ما اكذب لو اقول لكم دقيقه .. دقيقتين عشان يركب السياره …مافي فايده ماهو عارف كيف يطلع اصلا
نزل زوجي وساعده … واخيرا ركب السياره … ووصلناه للمكان اللي يبي…
آآآه .. ياقلبي … والله قلبي ساعتها انفطر وبكيت بكاء مو طبيعي…
لان اي شايب يبكيني مدري ليش ؟…
المهم .. وهو نازل … دعا لزوجي .. وتخيلوا ما شافني ولا انتبه ان فيه احد في السياره …
قال له زوجي توصي شي تبي شي يا والدي قال له اي شي منك كويس …
وبعدها رجعنا البيت واحنا في صمت رهيب والعبره خانقتنا انا وزوجي..
الموضوع بما فيه ..
نفسي اعر ف شي واحد ..
وين عياله؟
مو معقول بها السن وماعنده عيال؟
حتى لو بنات وينهن؟
ليه هذا الاهمال ؟
هل هذا هو بر الوالدين اللي يقولون عنه
(( سمعتوا عنه انتوا؟! ))
هل هذا هو الرضا اللي نرتجيه ونتمناه من الله ؟
اننا نفعل ما امرنا به سبحانه جلا وعلا؟
لا والله … لا والله…
اقولها وانا قلبي ينفطر .. معتصر بالألم
كم فات من عمرك في غضب الوالدين والرب؟
كم قضت ليله وامك وابوك ما ينامون الليالي خوف ورهبه وحسره وبكاء .. منك وعليك
هان عليك دمعة امك ونظرة الالم في عين والدك؟
هان عليك ليالي طوال قضوها في تربيتك وراحتك
هان عليك المهم لالمك وفرحهم لفرحك؟
وين الاحسان والرحمه؟
فين شباب اليوم وجيل المستقبل؟
معقوله نايمين لحد الحين
(( صبحيه مباركه ياعريس))؟!!
