صدمتي بخاينة زوجــي لـــي…. ساعدووني

السلام عليكم ورحمة الله وبركاته
يسعــــد صبــاحكـــم/// مســـاكـــــم
اتمنى الكل يكون بصحة وعاافيه
بصراحه ترددت كثير قبل ما اكتب قصتي لكم ولكن بعد ماشفت
تفاعلكم مع بعض والكل يعتبر الثانيه اخت له فحبيت اني اكون
او تعتبروني أخــت لــكـــم وتريحوني من مشكلتي اللي اعااني منها
بسردها لكم بكل امانه وصدق وصراااحه
أنـا متـزوجــه صـار لـي 4 سـنـيـن ونـص وبدت مشكلتي من اول سنه من الزواج وطبيعي لازم تصير المشاكل بين الزوجين ويوم عن يوم بدت المشاكل تزيد وانا بطبعي انساااااانه عنـييييييييييييييده وهو اعند مني وعصـبــــي ….وصارت يمر اسابيع ولا احد يكلم الثاني بسبة العناااااااد يعني كل واحد فينا مايبي يتنازل او يرخي الحبل
المهم رزقنا اللـه فبنــووووته مثل القمـــر طبعا ولدتها عند اهلي المهم بفترة النفاس وبعد ماطلعت منه حسيت ان زوووجي تغير علي
وشكيت بشي بس كان كل مايجي فبالي هالشي ابعده عن تفكيري واتعوذ من الشيطان ولكن بعد ما كملت بنتي سنه زاد تغير زوجي اكثر وكثر المهم فيوم كان زوجي يتحمم وتارك جواله فالغرفه المهم قلت لنفسي ليش ما اخذه واقطع شكي باليقين وفعلاااااا قطعت شكي باليقييييين ودخلت على المسجااات وفتحت رساله وليتني ماافتحتهاااا لقيتها صــوووورة بـــنـــــت قسم بالله يوم شفتها جلست لحظه احس اني ماعرفت اخذ انفاسي الا على طلعة زوجي من الحمام وجاني طاير واخذ جواله قلت له هذي مين ؟؟؟؟ تخيلوا ايش رد علي ,,,,, قال لي::: مدري هذي مين فجأه جتني الصـوره
قلت له عطني رقمها رفض بشده وقال ايش تبغين فالمشاكل وكلمه مني وكلمه منه والمشكله كبرت مررره طبعا جلست شهر ما احكي معاه واحنا بنفس البيت تخيلوا وبعدها جاني ياخذ اللي فخاطري واضريت اصبر على اللي شفته مو عشانه عشان البنت اللي بينا
وقالي بسافر انا وانتي لدبي ورحنا هناك وغيرنا جو على قولته وبس واحنا هناك نهاائي ماكنت مرتاحه سواء فالاتصالات اللي تجيه او المسجات اللي على الفجر او الصباح واخر الليل ومره طلعنا وبعد مارجعنا اخر الليل سويت حالي اني تعبانه واني ابغى انام وفعلا مشت عليه وبعدها قام من السرير واخذ جواله وطلع برا الغرفه وانا اخذت شويات وقمت من فراشي ووقفت عن الباب وكان الباب قدامه على طول الصاله ………………..وآآآآآآآآآآآهـ سمعته وهو يكلمها ولا ايش يقول انا سريت بدري عشان اكلمك ياحياتي لان الرجال اللي معاي سهرتهم طويله وانا مو رايق لهم وابيك انتي….. ان وقتها تمنيت اني اموووت وجاء فبالي كلامه انه مايعرفها وانه …. وانه ….. الخ
المهم ماقدرت اتحمل ورجعت لفراشي ابكي وابكي وابكي وماحسيت بنفسي الا انا صاحيه الصباح وقمت على طول وطلعت للصاله لقيته نايم على الكنب وجواله بجنبه عرفت انه نام على صوتها وسكت طبعا مااسويت اي شي بعد مارجعنا الرياض قلت له بروح لاهلي ورحت لاهلي والروحه هي الروحه جلست تقريبا سنه عندهم وطلبت الطلاق وتخيلوا كااان رافض يطلق ورب الكعبه السنه هذي اللي جلست فيها عند اهلي ما سأل عن بنته ولاشي وبالسنه هذي جلست افكر بوضعي وبصراحه حسيت ان اهلي مو متحملني ولا متحملين ازعاج بنتي وضاقت فيني الدنيا ومالقيت نفسي الا وانا متصله فيه واكلمه وانا ابكي وبعدها بأسبوع تقريبا رجعت لبيتي وعرفت وقتها ان مالي غيره وانا ما اخفيكم والله العظيم اني احبه واموت فيه بس خيااانته لي جننتني ومضطره اني اسكت واتحمل عشان بنتي وعشان حبي له وبعدها ربي رزقني فبنت ثانيه والوضع على ماهو عليه ودايم المح له ان تراني ساكته على خيانتك لي وادري انك تكلم غيري وهو ولاااعلى باااااااااله…..
اللــــه يخليكم يافرااااشاااات دلوني ايش اسوي معاه وكيف اتعامل معاه رغم اني مو مقصره بشي نهاائي معاه من اهتمام بنفسي واهتمام فالبيت ومن لبس ومن كللللللللل شي ومع كذا احس مافيه فايده …. الله يسعدكم ياخواتي ياليت اللي تمر بمثل مشكلتي او مرت فيها تقولي ايش سوت او كيف تعاملت معاه بنااات انتظر ردوكم علي….وللمعلوميه هذا ولا شي عند المواقف والصدمات الثانيه
فماااااااااااااااااان الله …. وانتظركم