صدمني بالي عرفته

بنات أنا أحب صديق أخوي من يوم كنت بالمتوسطه وأنا الحين عمري 19 وهو أكبر مني ب4 سنين هم كانوا جيراننا لاكن لما كنت بسادس نقلنا المهم أنا أحس إنه يحبني لما كنت بالابتدائي كان دايم يناظرني ويتبسم وأنا كنت استحي ولما يجي يأخذ خواته من المدرسه يقول لهن قولولها تجي معنا كنت أرفض إلا أحيانا اروح معهم إذا ركبت معهم بالسياره أنزل راسي من الحيا ولا رفعته ألاقيه يناظرن بنظرات اعجاب تقولون وش يدريك واضح نظراته وتبسمه المهم أذكر مره اخوي يقول إنه يقول والله لأتزوج اختك كنت أنا بذيك الفتره ما أحبه لأني ما أحب نظرات الرجال الزايغه ما صحيت على روحي إلا بثاني متوسط بديت أحبه كل ماتذكرت نظراته وتصرفاته معي يزيد حبي له ..

المهم من مده سنتين ونص كان اخوي مو موجود بالبيت دقيت عليه قلت له جب لي معك شريط بلاستيشن المهم لما جا جايب معه الشريط ويتبسم أخذت الشريط وعدت الايام وجا يوم كان ولد خالي بينام عندنا جلس بالليل يلعب بلاستيشن وقال الشريط حلو قالت أختي الصغيره فلان >>تقصد صديق أخوي شاريه يقول أخوي قاله صديقه إلا أشريه لأختك المهم أنا أستانست وانحرجت عند الولد قمت ألفقه وأقول تكذب المهم مشت الأيام ..
ألاحظ أخوي ماوده صديقه يتصل بالتلفون ولا أتصل ورديت عليه يهاوشن ويقول تراه يتنقد وخواته ماعمري أتصلت عليهم وردن وهو لاتصل لقال الو ورديت عليه قلت نعم أحسه يتخربط يوضح من صوته أما الحين أحس لادق صوته عادي مو مثل قبل تحسين بصوته اللهفه ..

قبل سنه ونص توفت صديقة أخته وبعد فتره توفا ولد خاله الله يرحمهم برحمته >> المعلومات هذي عشان تعرفون السالفه
قبل أسبوعين فتحت منتدى أخوي وصديقه وجلست اقرا المواضيع ياعالم وش أقرأ أنهرت انهيار وبديت أدخل على المواشيع ما أقرا الموضوع ولا الردودد بس أدور رده .
فيه موضوع يقول وش أصعب شي في الحياة رد هو :

اصعب شي في الحياة انك تبي قرب شخص..وهو يبي قربك…
وفجأة …لا هذي ولا هذي…
يروح من يديك وانت تناظر وهو مايقدر يناظر,,مايتكلم,,تكلمه مايرد عليك,,
وتشوف انه قررررريييييييب ولا تقدر توصله ولا يقدر يوصلك…انت بعالم وهو بعالم ثاني..
لكن عسى عالمه من نوووور…
تحيااااتي

والله يابنات اني انسخ لكم رده وانا منهاره أتوقع بكلامه يقصد صديقه أخته الله يرحمه وهذا رده لموضوع متى تشعر الدنيا لاتسوى شي :

يوم قال لي المغرب…بيننا الو الليله …
وبعدها بأقل من ساعه ونص…قالوا توفى….
عرفت اني انا والدنيا مانسوى شي بدونه….

بتقولون ليش ما قال قالت بدال قال اكيد مايبي يوضح لأن أغلب شباب المنتدى يعرفونه ..

هاااااااااه بنات وش رايكن بردوده مين يقصد ولد خاله أو صديقة أخته الله يرحمهم ..
أنا يوم قريتهن انهرت والله يابنات كنت قبل لاقالوا ينجرح القلب قلت كلام بس تصدقون إني أحس قلبي كأن سكين تخدشه والله إني يوم قريتهن جلست اصيح و ماسكه قلبي أحسه كأنه مجروح والجرح مفتوح يبي من يضمده جلست أيام وأنا على الحاله يانايمه ياحالسه على النت وإذا نزلت تهاوشت مع أهلي حتى أهلي منصدمين يقولون وش فيك متغيره وحالك مايسر نحفانه ووجهك أصفر تصدقون من الضغوط النفسيه من دريت بالسالفه وهواشي مع أهلي أي أحد يقولي شي علطول أطلع من الغرفه ودمعتي على خدي ما أبين لهم متحمله الهم حتى صديقتي تدري إني أحبه بس ماراح أقوله أحس إني بنفجر أبتسم غصب علي أحاول أتغصب الضحك والابتسامه وأقول أنا قويه مايهزن ريح بس لما أجلس لحالي أتذكر كل شي وأنهار من جديد ..

الهم قبل كم يوم أخوي يسولف على أمي وأنا معهم يقول أنه وده يسافر يكمل دراسته برا وبيجلس اربع سنين أنا جتني غصه يقول أنه أبوه رافض يقول تزوج وخذ زوجتك معك وهو يقول ما ودي أتزوج وأمي عادي عنده لو أسافر بدون ما اتزوج بس أبوي رافض أنا جلست أفكر قلت لو يحبن كان ماسافر ويدري إني بعمر الزواج لا جا من سفره أخلص انا دراستي يعني يضمن أني ما اتزوج بذي الفتره وخصوصا إن البنات اللي عندنا صارن يتزوجن ويكملن الدراسه وهن متزوجات مافكر إني أكون منهم ..

يابنات وشلون أدري إنه يحبن أو لا وعلاقتنا معهم عادي من بعد ما نقلنا من بيتنا بس هو المتواصل مع أخوي وهم أصدقاء مره أحس من سنتين علاقتهم فيها فتور المهم يابنات وشلون أدري عن مشاعره ما ودي أكون مخدوعه وأنا كنت أقول ماني متزوجه لا تزوج هو تزوجت وش رايكن اصبر لين يسافر لا سافر خلاص بتوصلن الرساله أدري إنه مايبين ولا احاول أدري الحين عشان ما انصدم ..

هاااااااااااااااااااااااااه يابنات شورن علي قولن وش أسوي والله محتاره ..
أدعولي يكون من نصيبي ويطلع كل كلامي أوهااااااام وشكوك >>اااااااااااه ياليته