عالم البنات النسائي كل ما يخص المرأة العربية من ازياء وجمال والحياة الزوجية والمطبخ
:السلام عليكم
قررت اني افضفض بعد ماشفت تفاعلكم الحلو مع بعض
😀
انا ماراح اكتب عن حياتي لانه مسلسل من التضحيات والاخطاء والتناقضات لكن اقدر اقولكم اني اني انسانه حساسه بس محد حاس فيني الكل يعتبرني عديمة احساس لاني دايم اخفي أو أحاول أخفي اي شي مضايقني يالله مومهم المهم اني بعد احس اني مسؤله عن حل مشاكل اي احد وانا ماعندي استطاعه احل حتى مشاكلي بس الحمدلله مخ مركب بالمقلوب هههههههه اضحكو الدنيا رايحه …
بقولكم على مواقف حصلتلي مع صديقه والله اني استخسر كلمة صديقه فيها بس اش اسوي العشرة تحتم علي ذلك لاني اعرفها من سنين….
هذي البنت فيها دفاشة الدنيا وماعندها مشكله تدج الكلام دج تخيلو اذكر من زمان كانت اذا مزحنا مع بعض وضحكنا تقولي صكي فمك فرحانه بسنونك الصفرا وكنت اعديها لانها تقولها على اساس مزح ولاني ماتخيل اني اقول لاحد كلام مثل هالكلام ماكنت اعرف ارد عليها واستمرت بتخلفها هذا حتى انها في فتره تعرفت على بنت وصاروا صحبه وماعد علاقتها معي زي اول وانا بعد بعدت عنها وهي تزوجت بعد بس يوم افترقت هي وهذي البنت رجعت تدورني انا وقتها ماعطيتها وجه وانقطعت عنها خصوصا اني تركت الكليه لظروف خاصه فيني بعدين زي ماقلتلكم هي تتصل وانا ماأرد وأحيانا لما ارد تحاول تقابلني وانا اصرفها باي عذر لاني بصراحه مليت منها ومن اسلوبها الجارح لكن هي ماملت ورغم اني مقاطعتها كنت اوجبها انا والوالده يعني بس المناسبات لما تولد ولما زوجت اخوها يعني نقوم بالواجب وبس ….واستمريت كذا معاها الين ارسلتلي رساله تقولي فيها اذا اتصالاتي ثقيله عليك قوليلي وانا ماعاد اتصل طبعا انا استحيت ورديت عليها يعني ها.. رجعت اكلمها وجاتني في البيت وجيتها وها.. حاولت اني اعفوا عما مضى وفي يوم قالتلي انها تبي تخطبني لخالها والله انا ماتحمست للموضوع اول شي لانه خالها ثاني شي لانه غير موظف حاليا وثالثا والاهم انه مايبيني اشتغل وحاولت ابين لها ان الموضوع موعاجبني قلتلها انا والله ماودي امور الزواج تدخل بينا لاني اخاف نخسر بعض بسبتها وخصوصا امك ماودي اخسرها لاني بصراحه يابنات كنت احب امها بالحيل الين ماكتشفتهم على حقيقتهم مادري اشفيني غبيه ولا طيبه زياده عن اللزوم ولا اش تركيبة مخي الحمدلله بس….المهم هي استمرت بالموضوع في الاخير قلتلها انا ماني موافقه على شرطه الاخير وتحاول تقنعني وتقولي عنده املاك ومزارع ومدري شنو ماتدري ان هالامور ماتهمني بالدرجه الاولى
المهم بيوم قالتلي دوريلي شغاله واليوم الثاني دقت علي وقالتلي هالقيتي قلتلها معليش والله نسيت قالتلي وش اللي مشغلك وانتي لاشغله ولا عمله لازوج ولا ولد ولا عمل ايه انا ادري وش مشغلك تفكرين بأملاك خالي والله يابنات اني انصدمت من كلمتها وماقلت ولا كلمه …..
يالله اش اقول غير اني ………. المهم جيتها يوم ولدت ولدهاالاخير وقلتلها يابنت انا قلتلك انا لازم اشتغل قالتلي والله انا خالي عزيز نفس مايبي حرمه تصرف على بيته قلتلها كلنا عزيزين نفس بس هذا اللي عندي
وبعدها بفتره راحت امي لامها عشان تباركلها وكانت اختها الكبيره موجوده وسألت امي بنتك ليش تركت الكليه تخيلوا اش كان رد امها نقزت بالهرجه وقالت ماكان عندها لبس …..انا خلاص قفلت معي وراح اغير نفسي بصير شريره ونذله وام لسانين لان الناس ماينفع معهم الا كذا ….الله لايوفقهم عشان عارفين ان حنا على قد حالنا تقهر امي بهاالكلمه حسبي الله ونعم الوكيل ….جرحت امي وهنا ماعاد فيها لاعاد بسامح ولا بعدي ولا لاحد…..طبعا امي ماقالتلي ماتبي تقهرني قالت لاختي وقالتلها لاتعلمين اختك بس تقهرينها بهالكلام التافه بس اختي فضلت انها تقولي عشان مااستمر بغبائي..
اللحين قولولي ياخواتي اش اسوي معاها عشان اقهرها ….
للمعلوميه انا احلى منها بكثير واحسها تغير مني بس ماكتشفت هالشي الا متأخر
