عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مساء الخير يافراشات 😈 ,
بما ان اليوم آربعاء ودي آفضفض وآطلع آهم احداث الاسبوع هذا << حصاد الجامعه في الاسبوع 😛
وبما ان الآجواء هاليومين غيوم وآمطار ووناسه لازم نجوب الجامعه من آقصاها لآقصها الله لا يسقي ايام الصيف تصير آلواننا برونزي محروق هههههه
تحطين واقي ماتحطي خلاص محروق لونك محروق واللي ماينفع معها تسوي نفسها طالعه بستآيل برونز 😳
وآحنا جالسين نتسكع ومروراً بشارع الحب << هذا يبغاله موضوع لحاله 💡
تآخذنا وحده من البنات وهي أمنا الصراحه في الشله تآمر بالمعروف وتنهى عن المنكر وممنوع منعاً باتاً الذهاب لذا الشارع 
,
واللي تروح ياويلها انذار بالفصل من الشله ههههههههه
لان هالشارع على قول وحده من صديقاتي وخاصه في اجواء المطر تبدآ الرومنسيه والآخذ بالآحضان ويآكافي << 😛
المهم رحنا جلسنا في آقصى الجامعه ونتظر صديقاتنا اللي فوق ندق عليها تعطي مشغول وش سالفه البنت !
الله آعلم لا يكون صارت حبيبه 👿
شوي جتنا وجلست وساكته تفكر !
فوفو شو فيك !!
قالت صارت معي مصيبه 😆 🙄
آحنا والله صرنا كذا ❗
خير يابنت !
قالت بقولكم ليه تآخر عليكم
انا جتني بنت لا اعرفها ولا تعرفني << بس مو في شارع الحب في مبنى ثاني طيب !
قالت لي آنا ميس آدرس اعلام !
وآجمع تبرعات للآيتام وهيك
وابغاكي تتبرعي قالت لها صديقتي اوكي ,
تقول شوي البنت جلست تتكلم عن صاحب الليموزين اللي يوصلها الجامعه وانه جنسيته يمني << وجلست تسب فيه وفي جنسيته
تقول فوفو انا رفعت حواجبني خير وشفيها جت تحكي لي قصة حياتها !
قالت يؤ لا يكون انتي يمنيه !
قالت لا بس لو وحده يمنيه سمعتك تقولين كذا قصت شراعك
قالت لا بس صاحب الليموزين هذا حقير وحيوان
قلت له يودي جهازي يفرمته لي وسرقه !
وبعدين قلت جيب لي جهازي قالي احلمي
ورحت الهيئه لان اخو زوجته يشتغل هناك قلت له ان نسيبك سرق لاب توبي وموراضي يرجعه ومن هالكلام وقالها الرجال مالي دخل !
قالت لها فوفو يعني بينكم شيء لدرجه تعرفين وين يشتغل اخو زوجته !
قالت لا والله << شيء غريب 
المهم قالت لها فوفو طيب كلمي اهلك ابوك يوقف معك !
قالت لا ماقدر ابوي مايعرف اني اجي واروح مع صاحب ليموزين << وذي كمان ماتدخل المخ
قالت طيب وش صار
قالت رحت للشرطه وقال ان ذي لها علاقه معي واعرفها وتعرفني وماسرقت جهازها
بعدين قالت صحبتي لازم تكلمين ابوك او اي احد يقرب لك
قالت لا انا ابغاك تروحين معي للمحكمه وتشهدي اني ماعرفه وانه سرق لاب توبي !!
وآوعدك اني افطرك في احلى فندق 😡 !!!
تقول زميلتي اعطيتها رقمي وقلت لها انا مستحيل اطلع بس ذا رقمي << مدري وش تحس فيه يوم عطتها الرقم وربي
طبعاً على طول جت فوفو وقالت لنا السالفه وطبعاً عصبنا عليها ليه تعطيها الرقم
لان فعلاً ماندري وش ورى هالبنت
لمن حكت القصه لنا في بنات عرفوها وقالوا ذي اسمها ميس واحيان تقول اسمي ندى
وهي تقول انها اعلام
وآخذت منهم خمسين ريال قبل فتره على آساس تبرع للآيتام
بس اللي حيرنا
وش تبغى في رقم فوفو ؟
وليه تبغى تطلعها تروح معها المحكمه !!
انا اتوقع انها ماتبغها تطلع للمحكمه خاصه انها قالت لها يوم الاحد الجاي راح تتصل عليها الساعه 9 ويتقابلون عند البوابه وتطلعها لوين مانعرف 😉
المهم احنا قلنا لفوفو لا تكلميها ابد وغيري رقم ولا تعطيها وجه لان فعلاَ ماندري وش تبغى فيها ,
على فكره انا وشلتي كلنا بنات قبائل يعني تطلعين من الجامعه الموت ومانعرف لا ليموزينات ولا بطيخ
مابالكم نطلع مع وحده للشرطه والمحكمه
وش رايكم بذي السالفه اللي اقلقتنا انا وشلتي العزيزه !
