عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيفكم بنات
بنات ما كتبت مشكلتي الا اني عارفه انكم راح تساعدوني إن شاء الله
مشكلتي مع صديقتي
السنة اللي فاتت كانت أول سنة مع بعض في هذي المدرسة يعني انا جيت هذي الثانوية
وأنا ما أعرف أحد فيها وهيا كمان المهم سرت أنا وهي صحبات وكم بنت وكونا شلة
والحمد لله كنا على أحسن ما يكون وكانت تحبني مررررررهـ و تقول لي كل أسرارها
وكل شىء سار معاها بالتفصيل وتمشي معايه دايماً وما تقدر تخبي عني شىء وحتى
لمن تتضايق كنت أخفف عنها
لكن هذي السنة تفرقنا أنا و وحده من بنات الشلة في فصل وهي في فصل لوحدها
وبدأت المصيبة بدأت تدريجياً ما تكلمني زي أول ولا تمشي معايه كثير ولا تقولي
أسرارها وفوق كذا راحت وسارت تمشي مع بنت من شلتي وشلتها طبعاً وطوال اليوم
وهي تتكلم معاها وتقولها كل شىء سار في البيت لاني دايماً اسمعها تتكلم عن الأشياء
اللي سارتلها في البيت و حتى أسرارها تقولها لها كيف عرفت ؟؟؟
لاني لمن أجي وهم يمشون مع بعض صحبتي تسكت أو تغير الموضوع يعني باين أنها
ما تبغاني أعرف ايش تقول لها
و المصيبة أنوا هذي البنت كانت صحبتي تكرها مررررررهـ وبداية السنة دايماً
تتضارب معاها حتى على أتفه الأسباب
يعني تغيرت 180 % في تصرفاتها وحركاتها معايه أنا بس :0144:
وما أتذكر أني سويت لها شىء أو ضايقتها
ياليت يا بنات تساعدوني عشان ترجع لي صحبتي :059:
ولا تخيبوني :072:
تحيتي العطرة لكم
