عالم البنات النسائي كل ما يخص المرأة العربية من ازياء وجمال والحياة الزوجية والمطبخ
انا دايما بعمل هالاكلة لانها خفيفه وسريعه ويمكن عمل الكبسه الحمراء كمان بنفس الطريقه وحسب اضافة كل وحده ونفسها بالاكل ….
ونجي لطريقتي بالمندي لان زوجي يحب مندي الطازج فقررت اعمل مثله والنتيجه كانت اروع من المتوقع جربوهاا وانتو الحكم…….
المقاادير ..اولا انقع الرز في ماء دافي لمدة ساعه الاربع اونصف ساعه وانا استخدم دوما وابدا رز الوليمه لانه طعم جنان ..
وبعدين نقطع البصل مكعبات للحمسه وشرايح محمره للزينه
ونقطع الدجاج الى قطع صغيره يعني الفخذ نصفين والصدر نصفين او ثلاث بكيفك حسب حجم صينيتك
ناخذ تاوه عميقه ونشوح فيها بصل مع بهارات صحيحه مثل القرفه والهيل والليمون الاسود ورقة غار …رشه وفلفل اسود وملح وشوي كمون
ونضيف الدجاج ونقلبه شوي لحد مايتغير لونه ونضيف الماجي واضيف كاستين ماء او اكثر حسب كميتك واترك الدجاج يطبخ ربع ساعه …لانه بيكمل طبخ مع الرز انا هنا اضفت بطاطس مقطعه >>>>> لقيتها تايهه وقلت اضيفها
نجيب صينيه حجمها كبير او عميقه المهم تكفي افراد عيلتكم واضيف الرز بعد ماصفيته وغسلته واضيف كمان الدجاج مع المرق واضيف ماء حتى اغطي الرز ب2 او 3 سانتي واضيف قرون فلفل حسب الرغبه واتاكد من الملح واغلفها بقصدير وادخلها الفرن من 35 الى 40 دقيقه حسب فرنك على نار هادئه الى متوسطة تقريبا
وهنا بعد مانضجت ابخرها بجمره في زيت وهذا بعد ماأضيف لها شوي صبغه زعفران مذوب في قليل من الماء او الزبده المذابه (( و نضيف البصل المحمر والصنوبروالزبيب عشان يتبخروا سوا >>>>>>> انا اليوم مامداني اعملها بس انتو لاتفوتوها لانها تعطي طعم وشكل جناااان
ونغطي القصدير ونخليه بالفرن على حرارته فقط لغاية ماتحضري السفره ونزليها مثل ماهي
وانا قدمت معاها سلطعه طحينه بالبصل مثل الطازج … بالاضافه لسلطه خضار مقطعه حجم كبير مع التغميسه المكونه من زبادي وليمون وخل وشوي طحينه وسمااق .. وقدمت مكعبات البطيخ البارد كتحليه وشوربه كويكر رفيقة سفرتي الدايمه…
وحياااكم على سفرتنا المتواضعه….
http://up.hawaaworld.com/up/sites/up.hawaaworld.com/files/links/667d78f***5ba04a9f33338271e5bb51.jpeg
وهذا الطبق لكل وحده يعجبها الطبق وتقيمني ….
م/ن
