عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
وكالعاده راح اقدم لكم اليوم طبق سريع وسهل ماياخذ منك عشر دقايق لتحضيره
ما احب الاطباق اللي فيها حوسه كثير او اللي تاخذ وقت
والنتيجة مضمونه باذن الله
شوفوا معاي المقادير
زيت زيتون نحتاج كميه كبيرة مقدار كاس تقريبا
ملح خشن او ناعم بس انا افضل الخشن واطحنه
كركم كمون كزبرة ناشفه
بقدونس كزبرة خضراء مقطعين
ثوم مبشور
قشر ليمون مبشور شووي واذا ماحبيتي عادي
زنجبيل مبشور شوي نتفه مو تحطين زنجبيله كبيرة كانك بتسوين مدري وشو
بصل اخضر وممكن تستغنين عنه بس حلووو
بصله كامله عاديه
فلفل رومي ملون
واهم شي نسيته خخخخخخخخ
السمك ممكن فليه وممكن سمك عادي
انا هنا استخدمت سمكه كامله نوع حمام عربي لذيذ وسعره معقووول جدا 2 كيلو ب 30 ريال
شوفوا الخطوات معاي
هنا نظفت السمكه وقطعتها بهالشكل
وسويت فيها فتحات من الجهتين عشان تمتص التتبليه
الحين نتبل السمكه بالبهارت اللي قلتها لكم
والملح نفركها كلها
وبعدين نضيف باقي المقاديير كااامل ونفركها بعد بالسمكه عشان يتملح البقدونس والبصل والخلطه كامله
ونصب فوقها زيت الزيتون 
نغطيها بالقصدييييييييييير
وندخلها الفرن على حرارة 400 مئوية
ونتركها تقريبا من ربع ساعه الى ثلث ساعه تكون خلاااص استوت بالبخار المكتوم
شيلي عنها القصدير وولعي من فوق عشان تتحمر شوي
وهذا شكلها
اترككم مع الصور
وهنا سويت طبق جانبي صيادية واللي تبي طريقتها تلقاها على هذا الرابط في موضوعي الثاني
قدمتها مع سلطة حمر
وسلطة طحينه والطريقه تلقونها بالرابط اللي فوق
يالله وروني الردود اللي تعودها منكم واكثرررر
سي يو حريم
