عالم البنات النسائي كل ما يخص المرأة العربية من ازياء وجمال والحياة الزوجية والمطبخ
انهاردة جايبالكم طاجن بطاطس محشية لحمة مفرومة …إنما اية … جربوه و حتاكلوا صوابعكم و راه 😆 🙂
المقادير :
لحمة مفرومة معصجة عادي ..
بطاطس صغيرة الحجم …
طماطم معصورة و فص توم …
الطريقة ::
أولا البطاطس تغسل و تقشر و تقور جيدا كما في الصورة …
طبعا اللي يتفضل من تقوير البطاطس اوعي ترميه … حطيه في حلة و اسلقيه سلق بسيط يعني نص سوا ..
بعد كده ..تحمر البطاطس المقورة في الزيت بس حاجة بسيطة أوي يا دوب بس تاخد وش …
تسيبيه يبرد و تحشية باللحمة المفرومة و بعدين تجهزي الطاجن …
ترصي البطاطس واقفة في الطاجن عشان ميقعشي الحشو … و زي منتي عايزة دايرة دايرتين زي ما تحبي…
في النص … باقي اللحمة المفرومة مع عصير الطماطم و فص التوم المفروم و بواقي تقوير البطاطس
( بيبقى المزيج ده راااائع على فكرة و الولاد بيحبوه أوي و بيخلص عندي قبل البطاطس نفسها 
و سيبيها تستوي في الفرن …و أعملي شوية رز أبيض و بالهنا و الشفا ..
كان نفسي و الله أصورها و هي طالعة من الفرن كانت روعة لكن ساعة الغدا و الكل مستعجل بأه …
إنما لحقت الباقي و حطيته في طبق ….
يا رب يعجبكم 😀
