عالم البنات النسائي كل ما يخص المرأة العربية من ازياء وجمال والحياة الزوجية والمطبخ
موضوعي ده للي مبيحبوش القرنبيط زي حالاتي 
… لانهم حيحبوة لو عملوه طاجن كده ان شاء الله
الطريقة .. زي أي طاجن خضار عادي باخد و اغسلة كويس و اقطعة
بعدين اشوح بصلة متوسطة على النار و انزل عليهم بعصير طماطم
و اسيبه يغلي فيها لحد ما يدخل في السلق …لانه لما بيتسلق لوحده بينزل فايدته في مية السلق .. فعشان كده بحب اسلقة في الاكل نفسه عشان فايدته تنزل في الصلصة …و يبقى القرنبيط متشبع بيها كمان …
بعد كده بكون معصجة لحمه مفرومة أو عندي من قبل كده اضيفها عليها و احطهم في البرام الفخار
و احطة في الفرن يتسوي كويس اوي اوي اوي و دي اهم نقطة .. ان القرنبيط يستوي كويس أو مع اللحمه المفرومة في الفرن و ياخد طعم الطاجن .. بيبقى طري و لذيذ جدا و الله
و بالهنا و الشفا …
و ممكن يقدم مع رز أو عيش و انا بحبه اكتر بالعيش
آه و مرة برضو حطيت عليه من الوش بعد ما قفلت الفرن جبنه موتزريلا ..كانت خطيرا …
يا رب يعجبكم …
