عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم و رحمة الله و بركاته
اليوم جبت لكم معاي طبخة بصراحة روووووووووعة مهي عشانها من اختراعي لا و الله……. عشان زوجي ما يعجبه العجب ولما ذاقها قال (تسلم يدينك هذا الطبخ السنع …. الله يخليك لي)
أنا استغربت من الكلام عاد ذبحني الفضول أذوق صينيتي اللي خلت هالدرر تطلع و بصراحة من لقمة انهبلت قلت معقول هاللذة
الزبدة سووها و عطوني رايكم أنا و بعلي عجبتنا…..
يللا نبدأ
المقادير
دجاجة مسلوقة
باذنجان مقلي
بصل مفروم
فلفل رومي مقطع أربع
كاري – خل – ماجي – ملعقتين صلصة – علبة زبادي – كاتشب – بهارات – جبنة البقرة الضاحكة – حبة طماطم متوسطة
الطـــريقـــــــــة
1/ تقومين الله يسلمك بسلق الدجاجة و تفتيتها قطع كبار و ليست صغار
2/ بعد تفتيت الدجاجة تقومين تحمسين البصل في شوية زبدة و بعدين تحطين عليها الدجاج اللي فتتيه وضيفي معاه الكاري و الكاتشب و البهارات و الماجي و يكون بهالصورة
3/ تكونين حاطة في الخلاط حبة الطماطم مع علبة الزبادي مع الخل و ثلاث حبات جبنة البقرات الثلاث و الصلصة و بعدين تصبينها على الدجاج و يكون بالشكل هذا
4/بعدين تخلينها على نار هااااااااادية عشان تتسبك في هالوقت تكوني قليتي شرايح الباذنجان و تصفينها في الصينية حقتك بهالشكل
5/ بعد ما يتسبك معك الدجاج و يكون بهالشكل
تقومين و تحطينه على الباذنجان بهالشكل و تحطين فوقه الفلفل الرومي
6/ و تكررين حركة طبقة الباذنجان و الدجاج مرة ثانية و تحطين فوقها الجبنة كرافت أنا هالمرة سويتها حلقات بالعادة أبشرها بشر
6/ ندخلها في الفرن و هذا شكلها بعد ما تطلع من الفرن و نزينها بالبقدونس و الجزر المبشور
7/ قدميها مع الرز المقلي مع الفلفل الرومي و الجزر بهالطريقة
وصحتين و ألف عاااااااااااااااااااااااااافية 😛
