عالم البنات النسائي كل ما يخص المرأة العربية من ازياء وجمال والحياة الزوجية والمطبخ
طريقة استخدام الـ (wax) او عجينة الحواجب.. بالصور طبعا
اليوم يا بنات جايبتلكم طريقة استخدام عجينة الحواجب او الــ(wax)..
هذي صورة العجينة وصمغ العجينة من (KRYOLAN)
صورة الحاجب قبل الاخفاء
تاخذين جزء من الواكس او العجينه أما بالاصبع لو حبيتي تخفين كامل الحاجب او بقطن تنظيف الأذن
لو حابه تخفين الشعر الزائد فقط
طبعا تاخذين جزء بسيط جدا
تفردينها على الحاجب كامل لو حابه تخفينه كامل وتعيدين رسمه او تحطينه فقط على الشعر الزائد
بعد وضع العجينه على الحاجب كامل نقوم بوضع الصمغ وهو نفسه صمغ الشادو(( لو حابه تزيلين الزائد فقط من الحواجب لاتستخدمين الصمغ))
بعد ما يجف الصمغ نضع كريم اساس سائل على كامل الحاجب
ومن ثم نضعه فوقه بودره سائبه ((او بودره حره ))
((طبعا البودره الحره لازم تكون نفس لون البودره اللي راح تستخدمينها لكامل الوجه ))
طبعا بعدها تقدرين ترسمين الحاجب سواء بقلم الحاجب او بالكيك اي لاينر والفرشاه
جكيفية استخدام عجينة الحواجب مع ( شوشو)…. وبالصور اكييييد
مساء الورد
شحالكم عرب؟ عساكم بخير وسهاله
اليوم مادري ليش صنفت اراويكم طريقة استخدام عجينة الحواجب…. هذي اول تجربه لي استخدمها لاني بصراحه ما احبها …بس قلت بطلع جيمتها على الاقل خخخخ …. فسحبت اختي المودل وبديت اجرب عليها …النتيجه طبعا بيرفكت وحلوووووه …. وشوي بس شوي بديت اتقبلها …. بس هالطريقه تنفع للي يبوا يغيروا من شكل حواجبهم ويسووا الجاييينيز ستايل او يوسعوا منطقة الحاجب عشان يلعبوا اكثر بالالوان وتعطي مساحه كبيره وفتحه واسعه في نهاية الحاجب عشان سحب الشادو للي يحبوا المكياج المسحوب
الطريقه سهله للغاااااااااااااايه … انا من اول مره ضبطت معاي وان شاء الله انتو بعد تضبط ويااااكم
~ الخطواااااااااااااااااات ~
طبعا مثل ماهو واضح الحاجب كامل ونحن بنبدأ نخفي منطقة الذيل من الحاجب بالعجينه وبنخلي المقدمه شرات ماهيه
بالقلم الابيض نلون المنطقه اللي نبى نخفيهاا…. مثل الصوره….. ويمكن قبل هالخطوه تسوووا شي بصمغ الرموش الشفاف تحطوه على الجزء اللي تبوا تخفوه عشان اترقدوا الشعر بدل ما يكون طاااش فوق..
ناخذ قطعه صغيره من الواكس ( العجينه ) ونمررها ع السريع بالولاعه يكون تاخذ حراره وتتمدد بسهوله عندنا … ونمدها على الحاجب المراد تغطيته …يعني انا حطيتها فالمنطقه اللي لونتها بالقلم الابيض …
وبعدين غطيت العجينة بالفل كفر من ميك اب فور ايفر لانه سميك شوي وممكن بداله تستخدمي الديرماكول لان قوامه كثيف وهذا اللي نباه … نحطه شوي شوي بالاصبع على العجينه
وبعد لحظات نحط الستك فاونديشن ونغطي كامل منطقة العين ….يعني نهيأها حق الشادو وهالخرابيط وننسى ان كان عندنا حاجب كامل … وانحط الفيتا كلر او اي فاونديشن تحبيه فوق الستك فاونديشن….
باللوز باودر نثبت الفاونديشن فمنطقة العين شرات الصوره …
حطيت شادو لؤلؤي على الحاجب المغطاي بالعجينه وشوية لمعه لؤلؤيه … عشان جيه قلبي ينتعش انه كل شي اوكي … هالخطوه من عندي انا حطيتها الحين بس انتو عادو تقدروا اتحطوا اللمعه بعدين او فاخر خطوه مو مشكله
بالكحل المائي من كيرولاين رسمت الحاجب على كيفي … بهالشكل … وعشان يوضح اكثر وتتخيلوا معاي الشكل النهائي بديت احط الها كمن لون على السريع عشان نلاحظ الفرق فالحاجب …قبل وبعد …
كحلتها وحطيت الها ماسكره ع السريع وشوي غمجنا من الشادو وهذا كان اللوك النهائي مع العجينه (:
اتمنى الطريقه كاااانت سهله واي استفسار انا حاضره على العااام عشان الكل يستفيد
لا تنوسني من دعواتكم (:
طبعا منقول من اختنا الغالية شوشو .. الله يعطيها الف عافية
