طريقة الدلكة السودانية

دلكة المحلب
ودلكة الذره اللي تشوفونها بكثره
ودلكة البرتقال
والدلكه البيضاء يقصد بها المحلب
وكلها واحد مافيه فرق الا بالريحه
دلكة المحلب تكون معطره بقوه لتكسب الجسم الرائحه بعد الحمام

الطريقه

بقولكم طريقتي ادهن الجسم بزيت زيتون قبل الحمام بنص ساعه او ساعه
ادخل الحمام وانضف الجسم بليفه اللي على شكل غفاز من بودي شوب لانها رهيبه وماقدر استغني عنها وصابون غار او الطائوس او اي صابون طبيعي يكون صابون العسل او غيره
وبعدين تنشفين الجسم بالمنشفه وانتي بالحمام
ويكون صحن الدلكه موجود تحطين كورة دلكه كبيره وتعجنينها بشوي ماي تكون ثقيله مثل العجينه وحطي الكميه اللي تكفي الجسم عادتن الكوره اذا هي كبيره تكفي واذا صغيره حطي ثنتين
وبعدين مددي خليط الدلكه على الجسم ويكون مخلوط بالقليل من الماء لاتخلينه سايل حيل ترا مايضبط ومايقشر بعدين
المهم تتركينها على الجسم والوجه بعد لين تجف شوي وتفركين الجسم باليد وتسوين لها مساج لانها اصلن معروفه بالمساج لين تحسينها تتكتل وتلزق بيدك وبعدين تصبين بيدك اي زين للعزباوات زيت زيتون ولا سمسم لانها رهيبه والمتزوجات زيت جونسون للاطفال وتحطين شوي زين بيدك وتفركينها تشوفيها اذا تكتلت ونزلت في البانيو وتسوين كل جسمك لين تطلع وبعدين تغسلين بالماي فقط لاتقولون الريحه تراها تروح بعد الحمام على طول وانا مجربتها ولا تقسلونه بالصابون لانه يزيل الترطيب ترا الدلكه احلى مافيها ملمسها ورطوبتها الخياليه والمتزوجات يحطون عطر ويتبخرون وخلاص