عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحبا ➡
اليوم حابة اعطي افكار عن كيف نزين الكب كيك سواء للأطفال في حفلاتهم وتجمعاتهم أو لجمعه بنات
بالنسبة لي اولادي يحبون الكب كيك كثير ويحبون ياخذونه لجمعه اهلي في الويك اند ، وجاء في بالي ازينه خصوصا انها كانت ايام عيد…
منها يشاركوني في التزيين ومنها ينبسطون باشكاله ويحسون بفرحه وهم يوزعونه على باقي الأطفال..
انا ماني شاطره كثير في تزيين الحلويات ، بس لما شفت النتيجة عجبت الجميع حبيت اشارككم فيها ويمكن تستفيدون منها وتبتكرون افكار من عندكم وتطلع بشكل احلى
نبدأ
حضري عجينة كيك عادية ، وممكن تستخدمي خليط الكيك (بيتي كروكر) انا جربت في العيد (خليط الشيكولاته بالحليب )
وكانت رائعه بس اهم شي تعتمدي الاكواب المعياريه مو الاكواب العادية علشان تضبط معاك وما تفتت الكيكه من اي لمسه .
اليوم سويت كيكه بالفانيلا .. نوزعها على اكواب الكب كيك وندخلها الفرن
تاخذ ربع إلى ثلث ساعة ونطلعها من الفرن ، ونخليها في الصينية 10 دقايق لحد ما تبرد وتحافظ على شكلها
نجيب كريمه تزيين الحلويات ، انا استخدمت كريمه (فيكتوريا)
وممكن تستخدمي اي كريمه ثانية بس تزيدي عليها سكر ، تخفقيها بالمضرب الكهربائي لحد ما توصلي لكثافة المطلوبة زي كذا
وما تطولين وقت الخفق وإلا تطلع الكريمة ناشفه وتتشقق معاك
ناخذ جزء من الكريمه ونحطه في صحن ثاني ، ونزيد عليه قطرات من ملون الطعام
انا استخدمت هنا اللون الازرق
ونحرك لحد ما تتلون الكريمه بالكامل
نحط الكريمه في كيس التزيين (كيس الحلواني) ونبدأ في تزيين الكيك
لا تخافي من انك ماراح تضبطيها .. ترى انا كنت متخوفه وشفت انها سهله مره ما تحتاج اي مهاره
وبعدها ممكن تضيفي عليها حبيبات التزيين
وممكن تستخدمي الكريما البيضاء لتغطيه سطح الكيك ، وبعدها نسوي دوائر عليها بالوان مختلفه لوحدها أو متداخله
طرق تزيين الكيك مالها نهاية ، تعتمد على ذوقك ومهارتك ومخيلتك
والنتيجة النهائية …
وبالعافية عليكم ، اتمنى انه الموضوع يكون عجبكم 🙂
منقووووووووووووووووووول
