عالم البنات النسائي كل ما يخص المرأة العربية من ازياء وجمال والحياة الزوجية والمطبخ
الحمدالله بدات احفظ القران بالبيت لاني مااحب الارتباط بدار تحفيظ ووقت معين
المهم بدات احفظ ومع شيخ علشان تكون قراتي صحيحه وتجويدي صحيح انا اخترت الشيخ مشاري العفاسي لان صوته يعجبني وتلاوته وتجويده واضح ونزلت السوره على جوالي علشان تكون معاي على طول ونزلتها من موقع الشبكه الاسلاميه
وبدات من سورة البقره علشان مااحس بالملل لاني لو بدات من جزء عم يتسالون راح احس بالملل لانها اغلبها تقريبا حافظتها وفوق هذا كله سوره البقره لها فضل علشان كذا انا تحمست ابدا من عندها المهم كل يوم احفظ وجه والحمدالله ماياخذ مني اكثر من نصف ساعه وبعدين افتح كتاب تفسير القران واقراء تفسير الايات اللي قريتها والله العظيم احس بمتعه غير وراحه نفسيه غير
ومن بكرا اراجع الصفحه اللي حفظتها امس واحفظ وجه جديد وعلى هالحال كل يوم والحمدالله الحين وصلت جزء ونصف من سوره البقره واذا يوم مالي خلق احفظ مااضغط على نفسي بالحفظ واخلي اليوم بس مراجعه وعلشان اخلي حفظي يثبت اكثر اصلي الليل بالايات اللي حفظتها والحمدالله يثبت حفظي
وحاولوا تتغلبون على الشيطان لايجي في بالكم وتقولون صعبه ..انسى.. ماعليكم هذي كله
وسواس من الشيطان وبالتوفيق للجميع ادعولي
ان يرزقني كل ماهو خير لي في ديني ودنياي ومعاشي وعاقبة امري
وان يرحمني ويغفر لي ويرحم جميع المسلمين والمسلمات الاحياء منهم والاموات
ومن في اصلاب ابائهم ومن في ارحام امهاتهم
