عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله وبركاته
خواتي انا عندي طريقه حلوه في معامله ولدي اثناء الاكل تخليه ياكل كل الاكل الي احطه له والحمدالله يارب
خل اقولكم تجربة صارت حق اختي مع ولدها كانت منومه ولدها على ظهره وتحاول اتاكله بس كانت وايد عنيييد وايد يعصب ويتفل الاكل وكانت جدا متنرفزه من ولدها ومو راضي ياكل بتاتا
قمت انا وطبعا انا كنت بنت مو متزوجه قلت لها عطيني الصحن وقمت الاعب ولدها مثلا امسك الملعقه وارفعها فوووووق واقوله يالله يالله يالله آمممممم اهوو يضحك ويبطل حلجه فمه يعني وعلى طول احط اللقمه وابتدي العب معاه بالصحن اتطقطق والهيه على ما ياكل اللقمه اسوي نفس الطريقه
وكلا الصحن كله واستغربت اختي مني
المهم هالطريقه اتبعتها حاليا مع طفلي والحمدالله قدرت اخليه ياكل كل الي في الصحن واكون مستانسه والحمدالله يارب
اني اول شي اسمي عليه قبل اي شي طبعا هذا شي معروف وبعدين الاعبه يعني اخليه وقت الاكل مثل اللعب
وما ادري انا اشوفها طريقه حلوه وعلى فكره
لما اسبحه اتبع معاه نفس الطريقه طريقه اللعب واكون هاديه جدا معاه ما اكون متنرفزه حتى لو صرخ اخليه بهدوئي يسكت وحتى باللبس
حتى في المهاد لما البسه يقعد يناغي ويستانس ولله الحمد
وما ادري يمكن انتوا بخبرتكم عندكم طريقه افضل المهم حبيت انقل لكم هالخبره
