طعمو لاتخـــافون!

اليوم كانت لي زيارة للمستشفى ، للكشف على الشعب الهوائية ، وكالعادة طبعاً ، لازم أي زيارة للمستشفى في الوقت الراهن ، ملزوم تفحص عن الخنـازير ، فحصنا وخلصنا ، جلست أقرأ التعليمات عن العقـار الطبي ، وإنه صار موجود ومتوفـرّ ، ولـ الحالات المستعصية أو الأشخاص ( كبار بالسن – قليلي مناعة – الأطفال ) ، إنصدمت بصراحة ، وجت الجرأة إني أسـأل الطبيب الموجود عن العقـار ! وكيف يسمحون لأنفسهم يقتلون النـاسّ

وكان جوابة كالآتي ( بصيغة بـ أسلوبي طبعاً ) :
المشكلة في الناس تسمع المضر ولا تهتم للمفيدّ ، وللأسف أغلب الناس ماتعرف إن أغلب العقارات والأدوية الطبية ، لابد وأن تفشلّ شئ بالجسـم ، الناس بدأت بنشر الإيميلات عن خطر هذا العقار ، وفالحقيقة لاخطـر منه ، لأنه وبكل بساطة لكل ( عقار / دواء ) ، أعراض جانبية

قلت له مثل ؟
قال : مثل عقار الإنفلونزا العـادية يسبب الشلل !
عقار شلل الأطفال يفشـل الكلة !
بعض الـأدوية مثل البنادول يسبب فشل كلوي + تليف بالكبد !
لكِنها مجرد أعراض جانبية ، يصاب فيها شخص واحد من بين 1000 شخص .

طيب بالنسبة لعقار إنفلونزا الخنازير ؟
أعراضة المكتوبة ، واللي الكل يعرفها صحيحة ، لكِن إلى الآن ما تمت الدراسات عليها ، يعني نعرف إنه فيه أعراض جانبية ، لكِن النسبة مانعرفها ، لكِن المتـأكدين منه إنها ماتتعدا 5% .

بالنسبة للحبوب ” التامي فلو ” ؟
هِنا صدمني بـ الإجابة : التامي فلو ، الأشياء والخرابات اللي يسببها أكثر من العقار نفسـة ! كنا بالبداية نعالج فيه ، لأنه العـلاج الوحيد لكِن الآن الأفضل إن الناس تـأخذ العقار بدل من التامي فلو ، لأنه عبـارة عن دواء موجود من سنوات عديدة ، وكان مركون على الرفوف ، والآن نفذت الكميـة ( لعبة إقتصادية ) ، العقّار أفضل بكثير من الدواء وغيرة ، وفي ( أميركا / بريطانيا / إستراليا ) بدأنا بالتطعيم ، والنتـائج إلى الآن إجابية .

//
زبدة الحديث : طعموا ولاتهملون أنفسكم ، والعقار حالة حال أي عقار ثاني ، له سلبيات وإيجابيات ، والإيجابي أكثر من السلبي ، والله يكون بعون كل مريض .