عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم يافراااشات
انا متزوجه من كم شهر واخو زوجي وخواته ضيقوا عيشتي بالزيارات
اخو زوجي ساكن فوقنا ويشتغل بوظيفة مرتبه زين لكنه بخيل جلده
وطفيلي مايستحي
تخيلوا يجي هو وزوجته ويطبون علينا فطور وقهوة وسحور مايعملوه ببيتهم
وقبل رمضان كل الوقت عندنا متربع الرجال اخو زوجي بوسط البيت
واحيانا يخلي زوجته عند اهله بالاسابيع عشان ماعندهم شي بالمطبخ
ياناس مااقدر اتحرك بحرية ببيتي واكلم زوجي ولاحياة لمن تنادي
قلت ابشتري لهم اغراض المطبخ كله حتى الماء ماعندهم
“عشان يعيشون ببيتهم الدور الكامل ماله فايده بالحياة عششت فيه العناكب من الهجر
بس ينامون به ويجون عندنا”
المهم قلت لزوجي انا راح اشتري لهم اغراض للمطبخ على شكل هديه لولدهم
زوجي قال : الفلوس انا اولى به
قلت : بالمختصر اباخذ حريتي ببيتي معقوله فيه ناس كذا مابوجهه دم
اخوك بخيل الا محروم
ورفض
اما خوات زوجي متزوجات ويجون ماهو اشتياق لي الا حب تحكم بحياتي
تخيلوا اخو زوجي اذا حط مرته عند اهله مايجي يدخل بيتنا الا اذا دعاه زوجي يعني مواعيد الغداء العشاء
او برمضان الفطور السحور
لكن خوات زوجي يجون وتصير الدنيا فري
عادي اخو زوجي داخل طالع لااحم ولادستور
متربع بغرفة الجلوس اللي للحريم وسط البيت
مااقدر اروح للمطبخ لااي مكان بالبيت بسبة هاللي مايستحون الا بجلالي او عباتي
المشكلة هم ماهم معطيني احترام لانهم معتبرينه بيت ابوهم وهو فعلا بيت ابوهم
ولكن اللي يقهر اخو زوجي له بيت ومطبخ ماله فايده مااحد يجلس به
وبس عندي
لقد طفح الكيل
طفشت
يارب الفرج
ابي حركة تخليهم يستحون على وجيههم
ساعدوني لو بالدعاء ان الله يصبرني
