عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلاااام بدخل بالموضوع على طول
انا زوجي مايقصر معي الحمدلله وداني تايلند وماليزيا كم مره ,ودبي كثييير وحجيت واعتمرت وكل شي ماقصر معي الله يطول عمره يااارب ,بس مصيبته يموووت على شي إسمه طريق البر ,يعني دبي يوديني بالسياره وجده ومكه والمدينه نفس الشي ,وربي مليت نفسي اروح دبي بطياره كرهت طريق البر وربي كرهته وترى ماجاء كرهي له من فراغ , انا قد صار لي حادث شنيييع بس الحمد لله ربي ستر بس مازال يحب طريق البر ولا يخاف ابد
والله طفش لو جيت بروح دبي فرحانه تذكرت طريق البر ويجيني الهم وأقعد طول الطريق مهمومه
ونفس الشي العمره اهون عنها كله من طريق البر , ولو أقنعته إنه يودينا بالطياره ,قال
ليش نروح بطياره خلينا نوفر فلوس التذاكر عشان تستانسين هناك (مع إن ظروفناالماديه الحمدلله متوسطه ومرتاحه ),والله بموت من القهررر مدري كيف اتصرف معه
انا بنظري إن اللي بيسافر المفروض إنه ماعاد يفكر بالفلوس أبد إنتو معي ولا لا ,, ولا انا غلطانه وزوجي هو اللي صح ؟ مع العلم إن زوجي كريم معي مرررره لو أروح أي مكان وأطلب أي شي يجيب لي إياه ولا يبخل علي بالمشتريات لما نسافر أبد الحمدلله بس عيبه هالشي ساعدوني تكفون بنااات أبي حل يخلي زوجي يكره البر بليز بانتظركم .
