عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله وبركاته
اخواتي الامهات
ارجو خبراتكم
طفلتي عمرها ثلاث اسابيع و تعاني من صعوبه في جهازها الهضمي
امساك شديد وغازات وبطنها متطبل
ويا عمري اذا بغت تقضي حاجتها تبكي بقوه و تتمسك فيني ونقعد نبكي انا واياها ولا تسويها الا مره كل يوميين او باليوم
انا بكريه واحس يمكن انا السبب لاني ارضعها صناعي وطبيعي
حليبي ما يكفي لاني اشوفها تمص بقوه ومعصبه ولما اعصر صدري ما يطلع شي وهي لسه جوعانه واقوم اسوي لها حليب سيميلاك ادفانس نفس حق المستشفى اللي ولدت فيه ومرا تكمله ومرات لا وبعد اسبوعين غيرت الحليب لنكتار ميل وقال الدكتور لا ارجعي للالول لان تكتارميل مدعم بالحديد ويزيد الامساك
راجعت الطبيب كم مره وقال عادي واعطيها يانسون وسكر نبات
واعطيتها صار لي يومين ومافيه تحسن
احس اني ماني عارفه ارتب نظام اكلها
مره تبي حليب كثير ومره لا ومره تتجشأ ومره لا
ما ادري شسوي قلت يمكن انا اتعامل مع الموقف غلط
وابي خبراتكم بالرضاعه ، اوقاتها، كميتها؟ اليانسون كم احط؟ متى اعطيه؟ كيف اعودها تتجشأ-تترع بسرعه لانها تطول ويعد نص ساعه تغص او يجيها ابوشهاق؟؟!!
الله يسعدكم ويحفظلكم عيالكم وازواجكم ويجزاكم فردوس النعيم
