عالم البنات النسائي كل ما يخص المرأة العربية من ازياء وجمال والحياة الزوجية والمطبخ
كيفكم فراشات ؟؟؟
وحشتوني 😀
أنا تأخرت في الحمل .. يعني قعدت بعد زواجي سنتين و4 شهور وبعدين حملت ..
وزوجي حبيبي كان طاير من الفرح طبعا وكان كل ليلة لازم يحط إيده على بطني ويقرأ سورة يس وآية الكرسي ودعاء الحفظ وأنا كنت لازم أقرأ المعوذات والفاتحة و الاخلاص وبعد ثلاث شهور بدا زوجي يقلل القراءة يعني يقرأ ليلة وثلاث لا .. فقمت أنا وحفظت سورة يس ولله الحمد وصرت أقرأها كل ليلة مع بقية السور والآيات وأصلي على محمد وآل محمد 10 مرات يوميا والحمد لله إلى الآن مستمرة على هالوضع ..
والنتيجة :0124:
قولوا ما شاء الله 😆 hy:
صلوا على محمد وآل محمد 😥
بنتي الحين عمرها 10 شهور وماشاء الله عليها هادية ودائما الإبتسامة مرسومة على وجهها 😀
وتنام كثير وماتزعجني أبدا والكل يمدحها .. إذا نزلتها عند اهل زوجي يقولون لي بنتك تهبل ماتزعج احد تجلس تلعب بألعابها ولا تصيح .. وبيت أهلي بعد يقولون عمرنا ماشفنا بنت مثل بنتك هادية وضحوكة ما شاء الله عليها
( كأنها لعبة )هذي العبارة ياما سمعتها من الناس
وإذا جاها النوم تقط نفسها على أي أحد وتنام بدون صياح وحوسة
هذي مواصفات بنتي الحلوة وأتوقع كل هالصفات من القراءة المستمرة عليها
وهذا ناهيكم عن ولادتي الميسرة والسهلة اللي أحمد ربي عليها ليل ونهار
وفي النهاية كل اللي اطلبه منكم إنكم تقرون المعوذات على بنتي وتدعون لي إن ربي يسر ولاداتي الجاية ويكونون كل أطفالي زي فطومة الحلوة :0136:
