طلبات الحريم على حسب ترتيب الحروف الابجدية

الالف :ابي فلوس بروح معزومة على شاى ضحى

الباء :بكرا ابيك تودين لبيت اهلي عندهم عزيمة

التاء :ترى اليوم انا ماني مسويه عشاء روح للمطعم جيب عشاء

الثاء :ثلاث اسابيع ما طلعنا للملاهي يالله ودنا اليوم

الجيم :جيب خدامه تساعدني بشغل البيت………(والبيت نص شقة) قهر

الحاء :حبيبى..ودى بساعة شوبارد ,مليت من ساعتى الاوميغا(شوفواالنفاق..توها تذكرت هالاسم)

الخاء :خل الشله اليوم..انا عازمتك نتعشى بره, بس على حسابك

الدال :دور لنا فله على 3 شوارع وفيها سرداب (الراتب 2500 ريال من وين ياحسرة)

الذال :ذيك السنة (قبل 10 سنوات) قلت لك اشتر لنا سيارة فان اوسع وما شريت

الراء :روح قدم على اجازة خلنا نسافر لاوروبا ,,اووف حر

الزاء :زيد مصروف البيت هذا ما يكفي اغراض البيت (ومعظم الفلوووس عليها
وعلى خرابيطها)

السين :سجاد البيت صار قديم ….غيره يا اخي (السجاد ما كمل له سنتين)

الشين :شيل ولدك شفه يصيح هناك,انا تعبت من العيال..

الصاد :صفف الملابس هناك منثرة,مليت وانا القط وراك

الضاد :ضبط اوضاعك..ترى كبرت المسؤولية..(توها والدة)

الطاء :طالع السيارة سكراب تفشل قديمة, نبي فياغرا ولا بي ام

الظاء : الظاهر انك ما تحبنى..ليش ما شريت لى العقد الالماس اللى بغيته!(حب بالالماس بس)

العين :عيوني..اليوم شفت نفنوف عند زوجة اخوي يجنن…خاطري بواحد مثله

الغين :غير يا اخي اسلوبك معاي…كله برود..حسسني بحبك شوي <=== امحق حب والله

الفاء :فديتك حبيبي وين تبينا نسافر هالصيف؟ <=== هنا يطلع الحب

القاف :قدر يا اخي شوي…كل شغل البيت على راسي…تكرم وساعدني شوي

الكاف :كفاية ملينا من هالبيت متى راح تسوى لنا بيت اكبر من هذا

اللام :ليمتى بنتم محبوسني في هالبيت لا نطلع مثل الخلق ولا غيره

الميم :متى بتوديني لبنان مثل ما وعدتني قبل؟؟؟؟

النون :نبى نحجز شاليه شرم الشيخ طول الصيف ..لا تنسى!

الهاء :ها عاد..ترى اروح بيت اهلى! اذا مو قد الزواج وتكاليفه ليش تخطبنى؟؟

الواو :ورني شطارتك رح عند اخوك خذ منه الورث( راعية مشاكل)

الياء :يالله ايدك على 2000 ريال ترضية ..لانك زعلتني وكسرت خاطري

يحليلهم الحريم مظلومين والله