عالم البنات النسائي كل ما يخص المرأة العربية من ازياء وجمال والحياة الزوجية والمطبخ
الســلآآمـ عليكمـ..
يجينا الفرج بكرا.. يا بنتي بس لا تبكين
أنا مااستحمل دموعك .. وهمساتك تبكيني
نشف دمعي على خدي يا بنتي من ثلاث سنين
وصارت كل آلامي تعيش وتلتحم فيني
يا بنتي احبسي دمعك دخيلك اكتميه الحين
حرام الدمعة في عينك تعانق ماضي سنيني
تعالي واحظني فرحي .. وقولي للفرح اهلين
وخلي حزنك بقلبي .. دخيلك يابعـد عيني
أشوف الدنيا بعيونك .. وأشوف الفرحة بك يا زين
وأنا مالي سواك إنتِ .. وإنتِ شمعة تضويني
علام الهم في قلبك .. يابنتي ليه ماتحكين
أبيك تكسري همك وأنا أمك قولي حاكيني
يايمـه حالتي صعبة أنا.. والفقر صرنا اخوين
أعيش بظلمة همومي والاقي الهم يكويني
معاقة يمه من صغري .. معاقة تشتكي حق مين
مدام أن البشر تنظر لحالي بعطف يعميني
أناظر هالبشر وأسأل ..أنا وش موقعي الحيــن؟؟
وش اللي يميز الأعمى عن اللي شوفهم زيني
فقيرة حظ يا يمـه وحالي تعمي العينين
من اللي يعشق ويهوى معاقة حظها شيني
سألتيني وش أتمنى يايمه منيتي شيين
يكون الفرح أولهم بعدها تعيش رجليني
أنا ودي ومنى عيني يكون لجسمي بس رجلين
تساعدني على برك .. وبرك غايتي وديني
ياليت الناس ترحمني وترحم حالة المسكين
ولا تجلس تناظرلي بنظره تجرح سنيني
تلاقين الفرح مظلم ونور الحزن وسط العين
وألاقي الهم والحسرة وسمها الوقت بجبيني
معاقة يمه قوليلي علامك ساكتة تبكين
كلامي أزعجك أدري .. وأدري الدمع يشكيني
دخيلك يمـه لي رجوة مدامك قادرة تكفين
أبي لي لعبة يا يمه تكون الصادقة بعيني !!
طلبتك يمه هاتي لي عروسة مالها رجلين
وأبيها تكون في كرسي .. ( معاقة ) مثلي ترثيني؟؟
منـقــولهـ..
الحمد لله الذي عآفآنا مما ابتلاهم به وفضلنا على جميع خلقه تفضيلاً..
ابي كل واحد فيكم يحمد ربه على نعمة الرجلين….
دمتم بود
