ظروفي تزادا تعقيدا استسلمت << فضفضة لااكثر

لمحة عن هموم استجدت الحمد الله يارب الحمد الله يارب على كل حال..۔

سبحان الله…قريت موضوع البنات الصغيرات تخنقني العبرة بل العبرات
عمرك 28 او 25 وضايق صدرك لو وصلتي الثلاثين
لو اقولك اني فوق الثلاثين..بكم سنة!!
وتملكت وانفصلت قبل فترة
بكيت وطحت من الالم والصدمة..تزوج الخطيب الظالم على طول حاولت اقوم كنت اقوم وارجع انهار
مجرد ماشوف سيارة زي سيارته بالشارع الحلال صعب نسيانه يابنات للمحرومات
مجرد مامسك بلوزة لبستها له ابكي واروح امزقها…رحت لاخصائية صارت دمار واستغلالية تركتها
كنت ابكي على واحد حقير ظالم تخيلي اتمناه وهو ماشي على زي جزمته!! واعظم.۔
ااااااااااااه من حر ماصابني من حر الفقد والالم من غياب الحلال من وطاة الواقع من ضغوط المستقبل من خوف الماضي من شبح العنوسة من قلة الخطاب من خوفي متى انخطب ومتى تيسرت كان واقعي واختفى سريعا اختار الفراق واختار له السعادة واختار لي الالم بعذاب الماضي
اعترف اني اتجرع ذكرياته غصب عني يابنات لااحد يلومني
اعترف اني فجاة وانا منشغلة اذكر كيف تركني او موقف انفجر ببركان دموعي..۔
سبحا ن الله قد يكون ابتلاء لي ووالله امر الامرين عشته ولليوم..اسرح بخيالي مع انسان حقير!!
تخيلي قمة الالم اتمنى شخص باعني واهاني وتزوج ونساني!!!
لاحد يجي ويلومني واقعي صعب واتعب اسرد الظروف اللي كل ماقلت تحسنت تحطمت اكثر
كل ماتفائلت اكثر انصدمت اكثر!!
قولوا لي كيف اثق بالامل
قولوا وحدة انجرحت انصدمت ستين مرة كيف تمسك خيط الامل

جلست سنة يعلم الله حالي..تملكت اختي الاصغر مني 9 سنوات تزوجت انا رقم ثلاثة
اختي الوسطى تنخطب كل فترة
تدرون وش حالي لاتظنون اني شينة ذنبي اني خطيبي تركني وانا بالثلاثين.۔
فجاة لقيت ماحد يخيطبني اشوف خواتي ينخطبون اضحك وانا اتجرع الاسى ماني اقلهم ابداااا
بس القدر والنصيب صرت فوق 30.۔

اهرب لذكريات الامس سبب طلاقي!!! طلقني عشان يبي صغيرة يقول صرتي اكبر من المامول!!1
تكشخت تلبست ياربي وين الخطاب!!
ياربي طلقني عشان سبب تافه وانظلمت ليش انظلم اكثر من المجتمع
رضيت بالمطلق
بالارمل
والله ماحد طل بوجهي منهم!!!
ليش
اختي الوسطى تنخطب واله العظيم اتمنى خطيب واحد من خطابها<< ماشالله
رضيت بالهم والهم مارضى فيني
راحم نفسي اني الوحيدة الكبيرة من بنات عمي ارحم نفسي واخواني يقولون تاخذ ابو جارة اي احد

راحم نفسي عند الاطفال ونظرتهم عند حريم خواني يارب رضيت بقدري فارضي من حولي وارحمني منهم

ارحم نفسي لما شوف تجهيزي اروابي وفستاني وكل يوم اسمع بكرة تلبسيهم كنت اقول ان شالله بامل!!
ارحم نفسي واناا اتذكر السافل ونا محبوسة بالبيت ماطلع مسلوبة الحقوق والكل يقول بنزوج بناتنا صغار واللي تقول يارب خلفتي مو بنات كثار << تعقدوا..!!
ارحم نفسي وكل صديقاتي باطفالهم انا مو ناقصني شي وارضية
صرت ادعي ربي يصرف قلبي عن الزواجي لاني تعبت وياست من ظروفي!!
نظرات الم جهازي قدامي بديت اتخلص واهدي اشيائي مالبست منها شي مجرد اذكرها ابكي..كيف فرحتي وبرائتي وكيف تركني مثل الطير المذبوح
قلت قصتي ابي همومك تخف وتعرفين انك ولاشي مانخطب ابداا وان انخطبت على طول بعد زواج اصغرنا من شهرين ابو حرمة معها درزن عيال!!
تخيليتي
ع طول تقدم قال بتوافق ع طول عرفوا الناس اني الكبيرة حسيت بغصة انفجرت الم وحزن
توني متفائلة بزواج اختي توني اجهز معها
ياااااااارب رحمتك فقط
همومي تخيلتي انك ولاشي همومك يابنت العشرين
عرفتي معنى الالم الي اعانيه..والهم والمرارة والكلام
اعيش ضغوط صعبة جداا من جهة مانخطب
من جهة خطباتي اختي الاصغر الوسطى
وزواج الصغيرة وبقائي اتجرع الم لنظرات شفتها بيوم الزواج
من صغير وكبير وشفتها كثير وللان اشوفها وانا باتسم على قمة الالم
اخااااااااااااف انهار بيوم..اخاف من الحزن يجيني صدمة نفسية<< صدع راسي من الدموع
اكتب لكم ودموعي غرقتني عبرتي يسمعها البعيد…وعيوني كلها دموع والم
الحمد الله على كل حال.۔
قررت انسى الزواج وهمومه هو رزق..وقنعت ان نصيبي مانكتب..۔
عانيت كثير الم ودموع وموقف وحالة نفسية صعبة بعد ماطلقني وللان اعاني
صحيح هو حقير بس مجبرة ارجع اتذكره لان ظروفي ترجعني للوارء جبرا…تخليني اتمناه بعيوبه بكيفه ولااسمع كلام اهلي ولااتمنى خطيب ولالقى احد يطق بابي بعده!!
هو كان واقع واسهل لي من وضعي اللي الحين لي فترة طويلة ماحد يخطبني كنت اتامل يقوولون الي تفك ملكتها يذكرونها الناس!!
كل شي تفائلت به يصير العكس
خطاب ولاشي..كنت اتوقع اني بتزوج قريب بفرح صار العكس

اصلاقررت اشيل فكرة الزواج رغم حلمي وذكرياتي وتجهيزي
انصدمت اني مانخطب بعد الاول ليش مو عارفة يمكن لان مجتمعنا صغيرة وعمري بالثلاثين
اخواتي قريباتي ينخطبون يحسون بامل..انا ولاشي
مريت بظروف يومية حاولت اتقرب لله. اسمع كلمة خذي كبير يدللك خذي لو شايب
اه اهون علي ماتزوج ولاخذ شايب مثل ابوي اندب حظي.. لاني ابي العفاف والستر!!
ولابي انحرف
.كنت ابكي كثير وكنت اتضايق من جمعات اخواتي والمتزوجات لان كلامهم كله يضايقني..
انخطبت اختي وتزوجت من شهرين ولااعترضت حقها رغم فارق السن بينا
تفائلت وقلت بينفتح بابي..لان لي فترة طويلة مانخطب..لاتقولون خطابات وو<< ماوراهم الا الخرطي
رضيت بنصيبي خلاص ومابي افتح سيرة الزواج ابدااا

تزوجت اختي صرت اعاني الامرين!! قلت اهلي بيخفون علي صار العكس
خطبتي صارت صعبة جدااا وان احد خذ الرقم مارجعوا وباحسن الحالات
على طول هالمتزوج بدرزن عيال فكر فيني اني مسكينة وبرضى لان الصغيرة تزوجت حسوا العالم اني كبيرة مو ذنبي انها تتزوج ولاذنبي ان خطيب تركني!! ذنبي اني بنت مغلوب ع امرها بمجتمع غبي!!

اهلي نفس الشي حسوا اني لازم اتزوج اي احد ولو كبير ونده فلوس!!
مو مهم شاب…خذوا موقف ان الشاب تركني<< حسسوني اني نفر مو مرغوب صرت اشك بنفسي ياعالم

انا شكلي اصغر بكثير وفيني اشيا تنافس بنت العشرين مو يعني تركني واحد حقير خلاص استسلم واغصب نفسي ع اي احد
وصاروا بعدها يطالعوني بعين اني كبيرة واني ملكت وان الشباب مايبوني لو خذوا رقم هجوا..۔
<< لان خطيبي تركني فصار يشككون اني مرغوبة واختي تزوجت فخلاص من يفكر فيها

غالبا البنت اذا تزوجت الاصغر منها تنجرح الاكبر والناس تتردد بخطبتها ليش ماتزوجت ويمكن فيها شي او مو حلوة او ..الصغيرة احلى كيف لو الصغيرة اللي تزوجت فوقها 2<< وانا اكون الاكبر رقم ثلاثة
يعني واجهت احراج كبير والم نفسي لان اول مرة تصير زواج الصغيرة الثالثة والكبيره باقي
بكل اسف نظرة المجتمع لنا ظالمة
ليتنا ناخذ فكر المجتمع الغربي..۔ كيف نظرتهم ايجابية
البنت عندهم زي المتزوجة مو ناقصة ولاتحقر
ااحنا نظرات شماتة وشفقة وحقوق مهضومة اقل حق من حقوقنا مافيه
والشباب مايفكرون الا بالصغيرة ولو خذها فهو يتفضل او يشمت
احسد المجتمعات الغربية حقوق الانثى
نظرتهم كلام الاطفال اسئلتهم…كم عمرك
ماتزوجتي..ليش انت الكبيرة ماتزوجتي!! صرت انسانة ابتسم وانا داخلي بركان الم…اطلع غرفتي ابكي بكا الاطفال وحزن المظلوم
اااااه انا كلها حزن وشفقة تزوجتي كنت اميرة ولك حقوق
ماتزوجتي كنت محل شفقة وملطشة للكبير و.۔..الشاب
يتردد يخطبك…ان حبيتي تطلعي تجي كل المجتمع زواج بنت كبرت!!
وين العزايم للمتزوجات السفر للمتزوجة الطلبات الجوال الاجهزة الدلع. كل شي..والله قلبي يتقطع واهلي بخير بس لما ابغى شي وماحصله. لان مو من حقي اطلب ولو طلبت بمذلة…دموعي تنزل قمة المذلة اشوف المتزوجات خواي قريباتي حقوقهم كيف
ليش انا غيرهم رضيت اني ماتزوج
بس حقوقي يابنات شي يبكيني ابسط اموري ماتتخيلون اني انقهر…
صرت احرم نفسي من اشايا واسكت

وين ابو متعب يعطيني راتب ينصفنا من المجتمع الغبي .۔
اي مجتمع يحرمنا ابسط حقوقنا.. لاطلعات لاجيات لا….وعانيت الامرين من خطبتي وفركشة زواجي
الله يسامح اهلي ولايحلل كل ظالم
الله يرد كيده بنحره يارب…مثل ماحطمني وضيع مستقبلي،،،,