عالم البنات النسائي كل ما يخص المرأة العربية من ازياء وجمال والحياة الزوجية والمطبخ
عباس جيجان من اشهر الشعراء الشعبيين العراقيين الذي اتحف الشعر الشعبي العراقي بروائع قصائده
اخر قصائده يرثي المرحوم صدام حسين الذي قتل على يد احط مخلوقات الله
وية الفجر يوم العيد .. وية نحر النحور … صدام قدم للوطن روحه
اجا مثل الاسد مجروح …. يمشي وتضحك جروحه
هم شايف جبل ينقاد ….. واذا شفت الجبل مكيود … تلكة العلة بسفوحه
مثل النخل .. مثل النخل مات ووكوف … شاخص شامخة صروحه
لو هيج الرجال تموت …. لو غَم الرجال بموت ماصخ مابه ملوحه
بجيت ومابجيت عليك …. بجيت على الزمان الظمك بلوحه
وبجى حتى الفرات عليك …. ونهر دجلة انتحر موحه
اذاً تستاهل ينوح عليك شاعر مابطل نوحه
لأن انت الوحيد الذي خليت … المشانق للرجال اتصير مرجوحة…
رغد يارغد لاتبجين .. بس دمعة حزن للزين مسموحة
ابوج الكتب اسمه جبهة التاريخ .. كعبة الوطن عنده وعالية سطوحه
الزمن .. والوطن يشهد لأبو الليثين .. ولو اني شهادتي بصدام مجروحة
مادنك براسه وانحنى لجلاد … رغم سلسلوا رجله وشدوا كفوفه
رفض يلبس نقاب الموت ضحك على الموت سنه وعينه تشوفه
عجل والله يتباها يسجل التاريخ عنه وتكتب حروفه
مو حبل الي على الرقبة ملفوف … رقبة على الحبل طلعت الملفوفة
اذا حقها العرب تحزن عليه وتنوح ….. وكع خيالها والشمس مكسوفة
من صغره عجيب … عنيد وضد الاستعمار …. ابوج الوصل سابع جار معروفه
واذا البصرى حزنت بصباح يوم العيد …. يم تكريت طلعت تلطم الكوفة
واجت نينوى .. اجت نينوى .. محنية الظهر الظهر وتصيح .. وين ابن الرمادي الباشطة سيوفه
سووها العلوج ودنسوا بغداد .. وعاصمة الرشيد اصبحت مجتوفة
اذا تستاهل ينوح عليك شاعر مابطل نوحه
لأن انت الوحيد الذي خليت .. المشانق للرجال تصير مرجوحة
الاخوات العربيات الي ما تفهم على اللهجة العراقية بالشعر اذا ترغبون اترجم الشعر لأنه فعلا رائع
.
.
.
