عالم البنات النسائي كل ما يخص المرأة العربية من ازياء وجمال والحياة الزوجية والمطبخ
ا لتراب والطين يزيل البثور السوداء والندبات الشديده الناتجه عن حب الشباب
تبي تقولون وشلون اكتشفت العلاج . هذا واحد من خوالي راعي كشتات اذا كشت يقعد اسبوع او اكثر ويقول اذا كشت في البر اسبوع او اكثر يروح الشطوب او ما يسمى التشقوقات في الرجلين واذا رجعت للبيت رجعن الشطوب ………ايه راحت الايام والاسابيع شهر وتذكرت سالفت خالي هو وشطوبه وقلت ليه ما اجرب في وجهي وفعلا جربت,عاد انا بشرتي مرره معدومه جدا يعني مشوهه والله اني ما ابالغ تقريبا نسبه الاثار والحفر والمسامات الكبيره الي في وجهي 90% يعني البشره خربانه , خشمي مليان بثور سوداء سبحان الله ولا منطقه من وجهي سليم كل مسام اكبر من الثاني وكل حفره اكبر من الجفره الثانيه تصدقون من شدت الاثار الي في وجهي محد خطبني.
بديت بالتراب واستمريت عليه اكثر من 6 شهور, 50% من الاثار الشديده راح والبثور الي في خشمي مافي ولا نقطه سوداء, البثور تحته مسام انزال جذريا , طبعا البثور الي في خشمي في البدايه اخذ وقت لاني قاعده ازيل المسام الي يؤدي الى تكون البثور السوادء تقريبا شهرين او اقل. اذا سويتي الطريقه بس اول مره يأخذ وقت , مره ثانيه البشره كل بين فتره وفتره من الطبيعي يبيلها تنظيف راح يكون عندك بثور بسيطه جدا واذا ازلتي البثور بالتراب مره ثانيه بتلاحظين النتيجه بعد ما تغسلين المنطقه الي فيها تراب بنفس الوقت. تصدقون يوم تحسنت بشرتي حيل بدوا الناس يخطبوني , وكل ما استمريت علي التراب كلمال البشره تتحسن اكثر واكثر , والي فيها اثار بسيطه يمكن يكفيها شهرين او اقل. طريقه الاستعمال: 1- تغسلين التراب وبعدين تغسلين الطين 2-بعد ما تنظفين التراب تحطين عليه ماء زم زم سبحان الله ماء زم زم اكثر مفعول من الماء العادي طبعا مع الدعا تدعين ان الله يزيل الاثار وتحطين التراب على وجهك وتركزين اكثر على الحفر والمسامات والبثور وتحركين التراب بوجهك بحركه دائريه و بطريقه ناعمه(لان اذا دلكتي وجهك بشده فيه خلايا اذا ضغتي عليها حيل ماتت مع مرور الزمن تترهل البشره …انتبهي حركي التراب على خفيف) كنك تسوين عمليه صنفره لمده خمس دقايق تقريبا 3-تجبين الطين تحطين عليه زم زم وتضعيه في وجهك وتخلين الطين ينسجم مع البشره, كنك حاطه كريم وتخلينه لمده نصف ساعه او لين ينشف ونغسلينه 4-تستمرين لمده خمس ايام وبعين تتركينه لمده عشر ايام ليه؟ لان الطبقه الخارجيه من البشره الميته انزالت لازم تعطينها وقت عشان تتكون طبقه جديده . وشلون اكتشفت هالطريقه؟ مره شريت من الصيدليه تقشير البشره اول ما استعملته تقشر وجهي واذا استمريت اكثر من خمس ايام ما يتقشر وجهي , بديت احط الماده المقشره لمده خمس ايام وبعدين انقطع 10 ايام وارجعله مره ثانيه ويبدا وجهي يتقشر مره ثانيه واستمر على هالطريقه الين راحت الاثار البنيه يعني ما يزيل البثور او الحفرو الا تقشير بسيط دعواتكم
