عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كلها ايام ويهل علينا شهر رمضان المبارك الله يجعلنا من صوامه وقوامه واكيد كل وحده حايسه تدور لها طريقه عجينه حلوه للمعجنات عشان كذا حبيت افيدكم واعطيكم طريقه حلوه للعجينه
هذي احسن عجينه للمعجنات ومرررررررررررره لذيذه وطعمه
طريقتها
تضعين بالخلاط
بيالة زيت – 3 ملاعق كبيره سكر- 3ملاعق كبيره حليب بودره – ملعقتين كبيره خميره فوريه – رشة ملح- 3 ملاعق كبيره زبادي – كوب دقيق كويتي – كوب ونص ماء دافي تخلط هذي المقادير بالخلاط لمدة عشر دقائق
ثم توضع هذي المكونات بعد خلطها بزبديه كبيره ويضاف لها 2 كوب دقيق كويتي وتعجن ثم تترك ترتاح لمدة 10 دقائق ثم تستخدم حسب ماتريدين
ملاحظه / افضل دقيق للمعجنات الدقيق الكويتي
هذي العجينه اسوي فيها بيتزا – سينبون -فطايربانواعها
الي تجرب العجينه وتناسبها كل ماسوتها تدعي لي بظهر الغيب ان الله يوفقني بحياتي
