عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
طبعا أكيد مر عليكم اعلان اتصالات اللي مالي الشوراع واللي هو عن عرض خدمة الانترنت عن طريق شبكة 3.5G . للي مب عارف………اتكون عندك شريجة مثل شريحة التلفون العادية اتحطها بمودم صغير يشبه فلاش الذاكرة اليو اس بي وتشبكها بالكمبيوتر(غالبا لابتوب) وتتصل بالانترنت ! يعني يكون عندك انترنت وين ما كنت بالامارات ان شاء الله بالسلع.
المهم اللي يقرا العرض بالشارع يقول والله حلو ……..يستاهل الواحد يفكر فيه خاصة اذا الشخص كثير التواجد في اماكن نائية ما فيها انترنت عادي وماشي وايرلس. العرض بالشارع طبعا يقول انترنت برودباند غير محدود ب 99 درهما فقط مع مودم مجاني !!! اتصل على ما ادري كم اظني 125 . والله صفقة حلوة !
بصراحة العرض خلى لعابي يسيل خاصة واني حاليا احاوط بلابتوبي باماكن ما فيها انترنت خير شر……..قلت خلنا نستفيد من زعيمة الاحتكار اتصالات !
هذا رابط فيه تفاصيل عن العرض: Go mobile with Etisalat’s unlimited broadband package for AED99 only with free USB dongle | PC Magazine Middle and Near East
بس طبعا قبل التهور لازم نستفسر ( خويكم مهندس وفني و عاشق للكمبيوتر والانترنت واتصالات خابزنها زين!) ……….مسكت التلفون واتصلت…………………وطلعت لكم بهذه التفاصيل :
1- عشان تاخذ المودم المجاني لازم تاخذ شريحة خط مب واصل لانك اذا خذيت واصل بتشتري المودم !
2- ما تقدر اتكنسل خلال 3 شهور ولا بيروح عليك العرض.
3- اتروم اتكنسل فقط بعد نهاية 3 شهور بالضبط وطبعا بنهايتها بيكون نزل على فاتورتك سعر الباقة العادي واللي هو 395 تماتيك ولازم تدفعه. عاد طبعا لا مفر من دفع 395 عشان بتكون عندك شريحة خط مب واصل كخ كخ كخ !
4- طبعا كمية المعلومات مب غير محدودة مثل ما يقولون ! هيه بس 10 جيجا بايت……يعني بتنزل لك كمن برنامج مثل الفوتوشوب او كمن فيلم على سبيل المثال وراحن كلهن العشرة جيجا ! طبعا بعد العشرة جيجا عادي تستخدم الانترنت بس بسعر 15 درهم لكل 1 ميغا بايت (بسم الله الرحمن الرحيم)
5- المودم المجاني اللي يعطوك اياه اصدار خاص مب مثل اللي يبيعونه العادي والاصدار هذا اعلى سرعة يدعمها بس 3.6 ميغابت /ثانية بعكس العادي اللي يدعم مثل ما انتو عارفين 7.2 ميغابت /ثانية (للعلم احدث واحد يدعم سرعات اكبر تصل الى 21 ميغابت/ثانية وهيه السرعة اللي يبون يفعلونها قريبا او يمكن فعلوها)
6- يعني باختصار اللي بيقدم على العرض بيدفع 99 لكل شهر من 3 شهور = 297 + 395 درهم مال الشهر الرابع اللي لازم يدفعها = 692 يعني تقريبا 700 درهم وبيحصل له مودم تعبان ما ينفع للمستقبل. بعدها اتروم طبعا اتكنسل او تستمر تدفع 395 كل شهر على كيفك !
استدراج لاستخدام الخدمة بطريقة اممممممممممممممم ما اريد اقول خلني ساكت احسن.
المهم ما اظني نسيت شي ………مخمخو وشوفو ينفعكم العرض العجيب ولا لأ ! ههههه
اللهم بلغت اللهم فاشهد(اللي عنده سؤال انا حاضر)
