عروس واكره الطبخ كره العمى _ وزوجي يحب اني اطبخ

السلام عليكم انا متزوجة من ثلاث اشهر المهم

انا من يوم عند اهلي اكره الطبخ كره العمى اكرهه اكرهه كره اسرائيل وغسيل المواعين آآآآآآآه

المهم زوجي لاحظ عليه المواعين متراكمه كل يوم اعتذر عن الطبخ واجيب حجة ماودي اسوي حتى شاهي ولا فطور ولاشئ وانا انحرج من نفسي اصلا انا عاددي لو توست حبة اتعشاها عادي وهو مررررررررررررة مررررررررررررة يحب التنويع والاكل والحركات في الاكل وحلا
وقررت اني اصير سنعه وصرت اطبخ احيانا اسخن الاكل لليوم الثاني يعني تحسنت كثير صرت ادخل منتديات وتعلمت حاجات وسويتها وعجبت زوجي وفرحان

لكن واقسم بالله اني اكره المطبخ والطبخ وغسيل المواعين ماني مصدقة اني خلاص بقعد طول عمري ونا اطبخ يابنات اذا خلصت من العشا لازم يتحوس المطبخ بشكل فضييييييييييييييييييييع اخليها لليوم الثاني واحيانن اغسلها وافتك منها واروح انام بس قبل مانام اقعد ابككككككككككككككي ابكككككي من تعب المطبخ ونكد المطبخ ومن هم بكرة وش اسوي

شفتم المغناطيس الاحمر والازرق اذا حطيتوهم جنب بعض اش يصير يصير تنافر ولو قربناهم بالقوة نلصقهم تشدين على نفسك عشان تقربينهم هذا انا والمطبخ زي كذا

احيانن اتهرب بالنوم واخبي راسي تحت المخدة اسوي نفسي نايمة وزوجي ماشاء الله مايحب العشا الخفيف ساندويش او فطاير او نوع واحد لا يحب الأشياء الدسمة والصواني ونوعين لازم
—————————————————————-

المطلوب

انتم كيف تتحملون الطبخ والمطبخ وغسيل المواعين والقرف هذا ؟؟

انا خلااااص راح اطبخ كل يوم بس مطبخي يتحوس حتى لو طبخت اندومي ؟؟؟

انا عندي جامعه واجي تعبانة واكره يومي كله وافكرفي يحوسة المطبخ

والسؤال الأهم كيف اوفر وقتي من المطبخ هل لو فرزنت راح ارتاح على فكرة انا حسبت لو طبخت في الشهر مثلا العشا راح يصير 23 مرة طبخ الباقي عنده دوام مايحب اكل برا هل افرزن او اذا طبخت _ اكثر من الكمية لليوم الثاني يصير ارتاح اليوم الثاني
والله اني امسسسسسسك نفسي وادخل المطبخ وانا كاره بس عشان زوجي لان يستاهل اصير طباخه عشانه ماشاء الله

انا راح اقرا رد كل وحدة ابغى حماس وحمسوني على الطبخ اعطوني افكاركم في كيف اوفر وقتي في الطبخ كيف افرزن انا راح اتغير بأذن الله بعد ردودكم ولاتبخلون عليه باي شئ يفيديني

مع تحيات الكارهه للطبخ والمطبخ