عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
كان عندنا عزا الله يبعد عنكم كل شر وييغفر لميتنا ويتقبله بواسع رحمته وانتم اكيد عارفين وضع العزا ونفسية اهل العزا مهما كان الميت طفل او شايب الحزن واحد ………..
لكن للأسف فيه ناس ماعندها اي احساس ولا تستحي على وجهها ناس مافي قلوبها رحمه ولا في وجهها دم….
كلما دخلت حرمة تسأل ام الميت كيف كان الحادث؟؟؟؟؟؟؟؟؟
عشان شفتيها ماتبكي تبين تبكينها؟؟؟
ولا لأنها ساكته قلتي شكلها عادي عندها؟؟؟
طيب وش الفايده من السؤال ؟؟
تقليب مواجع؟؟
ولا بتخططين الحادث وتصلحين السياره؟؟؟؟؟
غير كذا اللي تجيك تعزي وتسولف يقالها بتلطف الجو عن قريبها توفى وصار فيه ويوم دفنوه وش صار له وش كان كاتب بالوصيه طيب المطلوب من السالفه؟؟؟
ولا اللي تعزي وتقابل جاراتها من زمان ماشافتهم وتسولف وتضحك وبشري وش اخبارك ومتى عرس فلانه ولا تنسونا وعطونا بطاقات كلنا وفصلتوا وخلصتوا ؟؟؟؟ ويين بتسون المكياج؟؟
طيب والام المسكينه توك تعزينها وحزينه وكاسره خاطرك امداك تنسين؟؟
وكله كوم والعبايات الملونه والبف والمكياج الخفيف كوم ثاني…………….
انا انصدمت بصرااحه الحين جايه عزا لابسه عباة كنها فستان عرس ورافعه شعرك وحاطه روج خفيف وكحل ليه؟؟؟
تبين تعجبين الناس الناس خواطرهم مكسوره يفكرون بهالميت وش حاله بقبره يتعذب ولا يتنعم محد حولك……..
والله قمة الحقااره في بعض الناس…
صار العزا كنه عرس…
استعراض ومكابره مادري ايش الحل ايش هالناس وشلون تفكر؟؟؟
معقوله يكون حقد او كره طيب حتى هالموقف مافيه رحمه ؟؟
من جد وش السالفه؟؟
حسبي الله ونعم الوكيل
