عزومتى السمك مقلى ومشوى وبالصلصه وبالخضار**مميز**/مشارك في المسابقة/

الروسى المشوى

بحضر الروسى وده شكله

وبشقه بالسكينه من ظهرة واجنابه

وبجهز التتبيله ثوم وفلفل وكسبرة وليمون وشطه وكمون وملح وتوابل سمك واحشيه بيها من كل الجوانب واحط باقى التتبيله فوقه

ارصه فى صينيه وارش عليه زيت خفيف وادخله الفرن لحد لما يبدا يتلون اشوفه استوى ولا لا بالشوكه
مش بياخد وقت طويل

روسى بالخصار

بحضر الروسى واشقه بالسكينه فى ظهرة واجنابه وبطنه
واتبله بثوم وفلفل وشطه وكمون وليمون وكسبرة وتوابل سمك
بجهز بطاطس وبصل وطماطم وجزر وليمون حلقات وكسبرة مفرومه
احط ورقه فويل فى الصينيه وارص الخضار وفوقه السمك وفوقه حلقات ليمون ورشه زيت واقفل الفويل وادخله الفرن

كل فترة افتح الفويل واشوف السمك والخضار استوى ولا لسه ولما يستوى الخضار والسمك بفتح الفويل عشان السمك ياخد لون

سمك روسى بالصلصه

بنضف السمك وانقعه فى ملح وليمون
وبقطعه يعنى السمكه قطعتين او ثلاثه
بقلب السمك فى الدقيق وبقليه من غير ما احشيه توم
ولما ياخد لون خفيف
اكون مجهزة الصلصه
بصلتين مقطعين احمرهم خفيف فى شويه زيت وبعدين اضيف الصلصه لحد لما تتسبك
وارص فيها السمك واضيف ملح وكمون وتوابل سمك وادخله الفرن
مش بياخد سوى لان السمك مقلى

قبل ما برص السمك فى الصلصه باخد منها شويه اعمل بيهم الرز
يعنى باخد الصلصه وازودها ميا واستخدمها للرز بيبقى لونه وردى

الكاليمار المحشى

بحضر الكاليمارى كبير الحجم واغسله كويس وانقعه فى ميا وملح
بحضر بصله مفرومه وفصين توم واحمرهم فى زيت خفيف لحد لما يبدا ياخد لون
احط فلفل مكعبات وطماطم مكعبات وجمبرى مقطع وكليمارى مقطع
واضيف شبت وكسبرة مقطعين زى المحشى واحط نص كوب رز لكل واحده كاليمارى وبضيف ملح وكمون وتوابل سمك
واحط كله على النار مع شويه ميا صغيرين واقلب لحد لما الجمبرى يستوى
باخد الخلطه دى واسيبها تبرد واحشى بيها الكاليمارى
وبقفله بعيدان خشب عشان الخلطه مش تطلع
بحطه فى نفس الصينيه اللى كنت مجهزة فيها الخلطه وبحط عليه ميا تقريبا تغطيهواضيف ملح وكمون واسيبه على النار

لحد لما يستوى الرز اللى جواه
وبعدين قلبته فى بيض وبقسماط وقليته ومعاه كاليمارى حلقات