عالم البنات النسائي كل ما يخص المرأة العربية من ازياء وجمال والحياة الزوجية والمطبخ
كيفكم وش اخباركم
هاذي قصيده لواحد وعد وحده انه بيتزوجها وبعد مرور ثلاث سنوات تقدم لها واحد ووافقت عليه وجت تعتذر له انها بتروح وتخليه
واخونا في الله كتب فيها قصيده روووعه
اقروها وعطوني رايكم
ثلاث سنين انا اخطط لهذا اليوم يا ابـو سعـود
وفجاه جتني تتعـذر تقـول تاخـرت الوعـود
وانا مستغـرب واسمـع كانـي وعدهـا خنتـه
حسبت انها تمازحني وتتصنـع جفـا وصـدود
ضحكت بوجهها من قلب مع انها بايخـه النكتـه
وقالت ارضى با الواقع قلبي ماهـو المعهـود
تغير كل شي صوبك نصيبـي مـا اظـن انتـه
كنت بيوم محبووبـي ولكـن مـا اظـن نعـود
وصل من قبل ماتوصل وانا ذاك الصبـر عفتـه
ولكن تكفى صدقنـي ويشهـد ربـي المعبـود
تــرى ماخنتكـ بغفـلـه ولاكلمـتـه وشفـتـه
صرااحهـا هلي قالوا لي بانه ولد اصل وجـود
وجاتني امه با الصوره وبكلماات المـدح اختـه
سكت وقلت هي فرصه مادام الجود فاالموجود
وقالوا كل من حولي علامـات الرضـى سكتـه
وانـا فكـرت دام امـه واختـه ماعليهـم زود
اكيـد انـي براضيهـم اذا وافقـت واختـرتـه
واراضي اهلي واخواني مادام ان الفرح مقصود
عطيت الناس انا كلمـه ومعاهـم وقتـي حددتـه
ولااقدر اغيرهـا تـرى عنـد العـرب منبـوذ
اوافق واعتذر باكـر واقـول الـراي غيرتـهـ
تبي تشرح لي المنقود تصدق عاد يا ابو سعـود
تبيني اقتنع واراضـى بحـال عمـري ماعشتـه
انا ماني بقايلهـا عسـى يفـرش ثراهـا ورود
بعد ماحطمـت قلبـي وطعـم المـوت جربتـه
عسى بفستانها اشواكـ وفي ثوبهـ عقارب سـود
ونـار تحـرق الكوشهـ وتحـرق بيتهـم حتـى
وموت بليلـة الدخلـه يبـرد حرتـي ياكـوود
ولا احس انها بحضنـه يلامـس خـد لامستـه
علي اهون اذا ماتوا ولا بنفـس السرير رقـود
وصعـب علـي اتخـيـل الـلـي ماتخيلـتـه
عسى قاع الثرا يقسى ويتحول صخـر جلمـود
وحفار القبـر يرفـض يسـوي فـوق مقدرتـه
ترى دفنة عديم الذاات تلوع حتـى كبـد الـدود
ومن خان العهوود وماات تعافهـ حتى مقبرتـه
عسى ربي يجازيهم بحبـل مـن مسـد ممـدود
يعلقهـم مـن اطرافـه وفوقـه نـار وتحتـه
انا ماني حقود وشين ولاني مـن نسـل نمـرود
ومن حط نفسه بوضعي بيقول اللـي انـا قلتـه
مادام الفعل له ردة فعـل والله ابشـري بـردود
بدعـي دامنـي حـي وبغـرس للدعـاء نبتـه
وبسقيها نزيف القلـب ودمـع مارحـم الخـدود
وتكبروالثمر ثاري من اللـي خاننـي وصنتـه
انا نذر علي اكتب وافجر هـا القصيـد رعـود
واسمع كل بشر صوتـي عجبتـه ولا زعلتـه
واردد للي يسمعنـي اذا حبيـت حـط حـدوود
انا حبيت دون حدود و شـوف اللـي تكبدتـه
ثلاث سنين انا ابني وجات صـوره بكـل بـرود
وخذت مني شقا عمـري وحلـم قلـت حققتـه
ثلاث سنين انا اخطط لهذا اليوم يـا ابـو سعـود
وتوافق من كلام اخته وصوره اربعه في ستـه
منقول
الله الله بالردود السنعه
لاتفشلوني
