عسى ما شر ………………..(ة_ة)/

ويدك على الخد تعبت تشاكيك
وأنت ولا همك عايش بذاتك

أرحم دموع جارف موجها يبكيك
وبدل شعور الحزن وكل احساسك

لعنبو يومٍ غدر بك ما يخاويك
ولعنبو ناسٍ تجهل شيم ناسك

يا سيدي هونها عسى تكفيك
شرها وبالصبر تحلى وتماسك

أذكر مودٍ لك صان العهد ما يخليك
ولا تراجع في كلمته للحين ماسك

ربي يفرج هموم الكدر و يجزيك
فرحةٍ تسكن فؤادك وتعم كل ناسك

ترى و الله حالتي صعبه ابتبكيك
وشلون أنسى صورتك وأنا كل حراسك

روف بي لا تغلبني الله يهديك
هات الحمول اللي مثقله ظهرك ومشغله راسك