عالم البنات النسائي كل ما يخص المرأة العربية من ازياء وجمال والحياة الزوجية والمطبخ
سلام على جميع اخواتي
عمري19 ويوم كنت صغيره تعرضت لتحرش جنسي وذلك من قبل زوج اختي الكبرى وسكت عن الموضوع سنيين والسنة اللي طافت خبرت اختي الوسطى وفضلت ان نلزم بالصمت ونكتم السر انا وياها ما اعرف ليش فضلت هذا الشي؟ المهم في هالصيف اختي الكبرى سألتني انا واختي الاكبر مني بشوي ان نسافر معاها – وطبعاً زوجها معانا وطفلها – انا بصراحة تفكيري صار مشوش ما عارفه اروح ولا لا اختي الوسطى – الي تعرف بالسالفة – تقولي انها حاسه اني ما برتاح هناك وانا بصراحة احس ان اختي الوسطى ما تبغاني اروح معاهم بس هي دايما تقولي القرار راجع لج انا ساعات اقول ابا اروح يعني وناسة وسفر وتغيير جو وساعات اقول لا ما ابا ما برتاح وجذيه شو رايكم اخواتي الفراشات انا والله تفكيري صاير مشوش وما عارفة شو اللي اباه واللي ما اباه؟ يوم افكر اروح معاهم افكر ان وناسة وان بنغير جو بس افكر بأختي الوسطى اخاف انها ما تبغاني اروح معاهم وانها راح تضايج؟ ولما افكر اني ما اروح افكر كيف ما اروح؟ وافكر بعد ليش اختي الاكبر مني بشوي تروح وانا لا؟ هذا كله لاني احب السفر وايد هذا كل اللي عندي وارجوووكم ساعدووني ودورولي على حل لان تفكيري مشووش وراسي يعورني كل ما افكر بالسالفة .. انا صليت الاستخاره وبصراحة احس اني نفس الشي ما فيه شي تغير بس انا فكرت وقلت اذا الله كاتب ان هذا السفر فيه شر فالله ما بخييليه يتم واذا كان فيه خير الله بيسره .. تفكيري صح؟؟ ولا اعيد استخير مرة ثانية؟
عطوني رايكم الأمر ضروري
