عالم البنات النسائي كل ما يخص المرأة العربية من ازياء وجمال والحياة الزوجية والمطبخ
عجـزت أنـام , و دمعـي يخنق أنفــاسـي .. !!
..
تقلَّبـت بـ فراشـي كثييييير , و دمعـي يخنق أنفــاسي ..
ما قدرت أنام , ما قدرت إلاَّ ابتسـم في ” جملة أشـواقــي ” ..
..
ما خمـد ” نار الصـدر ” غيــر ذكري له ..
و ما خمـد ” شِدَّة الضيق فيني ” غير ذكري له ..
لـكن مين يقـدر يطفـي ” النـار ” اللي أشعلها ” حنيني له ” ..
نار شـوق , و دمـع يحرق جفنــي الصــابــر ..
..
و الله ما أبـي شي من الدنيـا , و ربـي ما أبــي شـي ..
غير شـي واحـد بس ..
خـاطـري تتركـوني قـدام ” الكعبـة ” بس أبسجد لو تكون آآآآآخر سجدة لي في حياتـي ..
تركت الدنيا لكم , و الحياة بأسـرها , لو أملك الدور و القصور ..
و الأموال و الرقاب ..
و ربـي بتركها لكم , تفدى عيونكم ..
لكن أبـي شـي واحد , و الله ما تقدروا تلبُّونه لي ..
أبـي شوفـة ” ملك ” اشتاقت له ” الـروح ” حتـَّى النوم ما قدرت تنام .. !!
تقلَّـبت بـ ” فراشي ” يا عســاني أقدر أنام , لو ” غفــوة ” .. !!
لكن للأسف , أحس نار الشـوق فيني تشتعل أكثــر ..
..
حـاولـت و الله , و أحس كل ما أتقلَّـب ” تتعب ضلوعـي ” ..
تحن و تونّ , تشكي لي و أنا بـ روحـي أسمعها ..
ودِّها لو ” أليِّنها ” بـ ” سجــود ” ..
لكن يا روحـي و ربـي ما أقـدر ..
لو ما ” العذر ” فيني , كان و الله بـ ذا الليل قمت و صلِّيت ..
لكن ” العذر ” فيني يمنعني ..
..
اش يســوي اللي يشتاق .. !!
علــموني .. !!
انتوا لا اشتقتوا لأحد , تقدروا تكلمونه , تشوفونه ..
علمــوني طيب , وين أشـوف اللي أحبه أنا .. !!
علمــوني بس , كيف أقـدر أشــوفه .. !!
علمــوني .. !!
دمــوعي هذه اللي و رب الجلال قاعدة احبسها و احبسها ..
حتـَّى و أنا أكتب ..
مين بيمسحها عني و يحقق مناها .. ( بـ شوفته ).. !!
و نبضات قلبي المتسارعة , مين بيهدِّيها .. !!
..
انتوا لا حبيتوا شخص , تقدروا تشوفونه ..
طيب و أنا .. !!
اللي سمعت كلمة , ربما تكون قاسية , لكنها علِّمتنـي ..
كيف إني ( عجزت أحب أحد في الكون غير رب الكون )..
سبق و انقال لي ( إنتِ شكلك ما تعرفين الحب كيف .. !! )..
يحسبون الحب ( لازم ) يتبعه ( غيرة ) .. !!
يحسبون لا كنت جد أحبهم ( لازم أكرر كلمة أحبك دااااايم على مسامعهم ).. !!
و أكون لهم ( هم فقط ) دون غيرهم .. !!
يحسبون ( الحب ) تملُّك .. !!
ما فكَّروا بـ إن الناس أجناس و تختلف ..
ما فكَّروا إن الناس عن ناس جداً تختلف ..
ما فكَّروا إن الأصابع تختلف عن بعضها ..
ما عمرهم ( فكروا فيني ) أبد .. !!
محبتي غير , إن حبيت شخص , ما أحب أعلمه بـ حبي له ..
ولا أقول له في كل وقتي ( آنا أحبـك )..
ممكن أبيِّن له , و بـ أفعالي له و كلامـي أوضِّح له .. !!
أحب أشـوفه ( سعيد ) من بعيد لـ بعيد ..
أحب ألبِّـي كل رغباته ( بـ رحابة صدر ) و بـدون لا يطلب ..
أحب أساعـده ولا أخليه يحتاج بعد الله لـ شي ..
أحب أكـون له عـون , و ارسم البسمـة بـ شفاهه و بدون لا يدري ..
إنـي أنا ورى سعادته ..
أحب أشـوفه سعيد , و أسعد أكثر لا كنت أنا السبب وراها بعد ربـي ..
و كله من بعيد لـ بعيد ..
إذا حبيته ( صح ) .. ما أذكره غير بـ سجودي ..
ادعي له من صميم القلب .. بـ ظهر الغيب ..
صدق ( تهمنـي أخباره ) لكن ما يطمِّنـي سوى إني بالدعاء بـ ( أقدر أفيده ) .. !!
ليه يظنوا ( الحب ) مجرد ثرثرة ( عُشَّاق ) .. !!
ليه يظنوا ( الحب ) لعبة , تنتقل من شخص لـ آخر .. !!
تقول لإنسان ( أحبك ) ثم تنساه و تلتفت لإنسان غيره ..
و هكذا .. !!
و صارت الكلمة ( كئيبة ) .. فيها أنواع المآسي ..
فيها قلب هناك يتعب , و فيها قلب هناك يبكـي ..
قد سمع كلمة ( أحبك ) من شخص كان له ( بلسم جروح ) .. !!
و صار ( الجرح ) بـ سنينه .. !!
..
ليه يظنوني ( بدون إحساس ) .. !!
ما ( أعرف الحب ) .. ولا ( أعرف كيف يكون ) .. !!
أنا محبتـي و الله غيــر .. ممكن يعجزون يلقون لها تفسير ..
لكن الصراحة هي :
( إنـي أعجـز أحب إنسان لأن حبي لرب الناس اعتلى فوق المتون )
إن حبيت أحد و الله , أحب الخير له , أحب اشوفه سعيد ..
اتمنى له الخير قبل نفسي ..
و اطمئن وياه ..
ما أحب إنسان و أخبِّره و أكرر كلمة ( أحبك ) له ..
لا و الله ..
ما أذكره إلاَّ في ( سجودي ) .. !!
لأن هـ الدنيا يا ( بشر ) .. من اسمها ( دنيا ) ما يهمني فيها وجودي .. !!
لو بـ ذا الدنيا خير ما لقينا فيها من تعب ..
ما كان ذقنا فيها مشقَّات و كدر ..
..
أحب أعين الخلق بدون لا يدرون
أحب اعاونهم كثيــر
أحب ارضي رب الكون بـ هذا الشي
أبي ربي ( حبيب قلبـي هو و بس ) يدري بـ اللي بداخلي ..
ربي اللي لو أجمع كل حب هـ الدنيا , ما يوصل لـ حبي له ..
من هو يا ناس .. !!
( رب العالمين و بس ).. !!
..
أنا ما أعرف ( الحب ) .. ؟!
ممكن .. 😆 🙂
لأني جد ما أعرف أحب ( مخلوق ) .. !!
يمكن حبي الصافــي ( ما عجبهم ).. !! =(
يمكن دعائي لهم في كل وقتي ( ما عجبهم ) .. !! =(
يمكن كلامــي القليل جداً ( ما عجبهم ) =( .. !!
يمكن لأني ما أقــول ( كلمة أحبك ) صرت ما أعجبهم .. !! =(
اش عليّ .. !! =)
يكفــي إني أحبهم من ( قلب حي ) .. !!
يعرف الحب ( الحقيقي ) كيف يكون .. !!
يعرف إن اللي يحب .. ما يخون .. !!
ولا يسعـى يأذي أي شخص في الكــون .. !!
..
ما يفكِّر يأذي ( أحـد ) , مو خوف و الله ولا أفكِّر أكتم بداخلي ( حقد ).. !!
ممكن ( أتألم ) إيه .. !! انجرح ( صح !! ).. !!
اتعذَّب و يضيق صدري ..
لكن إنـِّي انسى شخصٍ قد اسكنته بداخلي ( روح ) .. !!
هذا ( محال ) .. !!
حتـَّى لو غبت عنه , حتـَّى لو حاولت انسى و اتناسى .. !!
حتـَّى لو أفعالي ( تبيِّـن ) إنـي نسيته ..
ما أقدر انســى ( أذكره ) في لحظة سجودي .. !!
صدقوني , ممكن أبتعد بـ جسمي فقط , لكن الروح فيني و الله عايشة .. !!
..
ما يسعد الروح فيني , غير هو .. !!
مين !!
الله رب العالمين
..
إن جلست بـ أرض الله , ابتسم أكثــر ..
هذا أنا جالسة فوق أرضه , هذا أنا , بـ صلِّي بعد شـوي ..
و بـ أغمر جبيني فيه ..
وجهـي اللي أعزَّه رب الخلق , و أكرم به عباده ..
و حرَّم ضربه بـ كفٍّ تهينه فيه ..
راح يتعفَّر في التراب و صدقونـي ( ما تتصورون حجم العزَّة اللي أنا فيها )..
أحب التراب كثيييير , لـ درجة يستغربوا مني الناس ..
و اللي يعرفونـي , اش سر حبك العميق له ..
حتى الصلاة .. !!
ما أحب اصلي غير عليه , اترك السجاد و كل شي ..
بس أحب اصلي فيه و أحس إن وجهي يا عباد الله تمرَّغ في التراب لأجل الله ..
أحس بـ سعادة
……………. بـ راحة
…………………….. بـ حيوية
أحس بـ روووووح و راحة في وجهي كله
لـ درجة أقفل عيوني و ابتسم , أحس بـ سعادة جداً مريحة ..
حتـَّى بعد ما أرفع من سجودي
و سبحان ربي
..
اتضايق .. ؟! إيه و الله ..
أشيل هم و ابكـي أحياناً و اضيق ..
لكن الحقيقة تقول : إني لا قريت كتاب ربـي اهتدي ..
و انسـى مواجع روح فيني تنتحب ..
أنســى حياتي و دنيتي , و كل شي له علاقـة بـ هذه اللي نسميها ( دنيا ).. !!
و هي من اسمها ( دنيا ) .. !! 😳
أدنـى من إننا نفكِّـر فيها و نهتم لها و نتضايق عشانها ..
..
آآآآآآآآه يا قلبـي , و الله كل ما اتضايق من أمر ..
اذكر الخالق و تدمع عيوني ..
أحس نفـسي في ” سجن ” لكن مشكلة هـ السجن إنه جداً كبيــر ..
فيه كل شي , فيه ما تشتهـي الأنفس و أكثر ..
فيه و الله كل شي كل شي كل شي ..
لكن ما أحس فيها بأي شي , لا طعمها لا لونها .. !!
ما أبي منها أي شي ..
و الله ما أبــي ..
من التعب ناظرت للدنيا بـ ( عتب ).. !!
عاتبتها و الله ..
أبـيها تطلعنـي و ألقـى خالقـي ..
و الله ..
كل ما أتعب , أحس بـ الشوق لله فيني يكبر و يكبــر ..
كل ما أسمع كلمة قاسية , يزداد شوقي له ..
كل ما أشـوف تعامل قاسي من غيري , يزداد شوقي له ..
كل ما أسمـع فلان مات و فلانة ماتت , أقووول يااا حظهم ..
بيقابلوا ربهم ..
لكن بـ نفس الوقت أتألم .. !!
هل هم على دين و خلق .. !! طائعين لله ولاَّ مذنبين .. !!
..
يمكن اللي بـ داخلي جداً كبيـر , ما توصفه عبارتين و كلام ..
لكن .. !!
اللي فيني ( حب صافـي ) محد من الدنيا كسبه ..
غــير ربــي ..
و هو سبحانه أحق ( بالحب ) منهم .. !!
..
أسمــع هذه ” مطلقــة ” .. !! و الثانية على مشارف الـ 30 سنة .. !!
لسـَّى ما طق الباب ( معرس ) .. !!
و هي بأحزانها تدعـي .. !!
و الثـانية , كانت على حب و سعادة ..
عايشة جداً سعيدة , بين أهلها و أخوانها ..
عاشت في حياة حلوة , في كنف زوجها بعد أبوها ..
لكن للأسف , تبقـى هـ الدنيا ( دنيا )
يجتمع فيها على القلب الطيب ( ناس )
يسعون يأذونها و يبعدوا عنها سعادتها و يتسببوا في طلاقها ..
و تطلِّقت .. !! =(
إيه تطلقت ..
أمر ربـي و صار .. ما لنا فيه إعتراض .. ➡
و لــسَّى الحياة مستمــرة , و احنا فيها عايشين ..
و اللي تأذينا بأسبابهم , صدقــوني ( مذنبين ) ..
و عند ربي ( محاسبين ) ..
عند ربــي ( محاسبين ) .. !!
ليه أبـكي و انتحب , ليه أضيـق و اختنق .. !!
ليه تدمع عيني الصافيــة من أسبابهم .. !!
إيه أنا عانس , و إيه مطلقة , و إييييه أنا جداً كئيبة و معقدة .. !!
لا يُهِـم , جداً لا يُهم ..
فـ هذه مجرد ثرثرة ( خلق ) .. !!
لا تنقصني مقداراً ولا ترفعني عند ( الرب ).. !!
..
مجرد ثرثرة ( ناس ) ما قدَّروا ربٍّ خلقهم و لا احترموا خلقه ..
صدقــوني هـ الناس , على ابتسامتها المزيفة و حبَّها للشر ..
يبقون ( ناس )..
و الله من أشوفهم و أناظر بهم ( أحزن ).. إيه و الله على حالهم أحزن ..
ناس ( ضعاف ) و يتألمون حتـَّى من الشوكة ..
كيف يقدروا يحطوا راسهم بـ راسي , و يأذوني و يظلموني ..
و فوق أرض الله .. !!
و أنا من عباده ..
و الله إن لي رب , بياخذ بـ حق المظلوم من الظالم ..
إييييه و الله ..
لنا رب بياخذ حق المظلوم من الظالم ..
و مثل ما نكَّس المظلوم راسه و انتحب ..
بيرتفع راسه بـ فخر و اعتزاز عند ربَّه ..
و بينتكس راس الظالم للأبد ..
..
وينــك يا أختــي .. !!
لقيتِ حزن , ألم , ضيق , تعب , كدر , مشاكل , هموم , غموم .. ؟!
طيب و بعدين .. ؟!
بتـستـمر .. !!
هذا أنا أشــوف أمــي متضايقــة , حزينة , بعيونها حزن و الله و تعب ..
و على هذا أحــاول اضحِّكها .. أسلِّيها بأي شي ..
بس يبقــى الحزن فيها ( ثااابت ).. !!
و أنا .. ؟!
و الله إنــي أشيــل همها و اتعب لأجلها ..
لكنـِّـي بـ نفس الوقت ابتـسم , و اناظر بـ أمي بدون لا تدري ..
و أتأمَّل عيونها ثانيتين و ابتسم ..
أقــول بـ خاطري : يمـه , و ربــي بتسعدين سعادة أبــدية لا صبرتِ ..
في الدنيا بتتعبين و تنظلمين , لكن في الجنـَّة و الله بترتاحين ..
مثل ما بكيتِ و قلتِ من قلبك : حسبنا الله و نعم الوكيــل ..
راح ترتاحين راحة ما بعدها راحة , عند ربٍّ عالم فيك و أدرى ..
يكفــي كلمتـك : حسبنا الله و نعم الوكيــل ..
و ربـي بـ تهزِّهم هز ما بعدها يا ناس هز .. !!
لأن ربـي حي و لا يمــوت , أمَّا هُم فـ كلٌّ نفسٍ ذااائقـة المــوت ..
أنا و هم بنندفن في حفرة جداً ضيقة , و مظلمة ..
بـ لحالنا ..
وقتها بـ سألك .. !!
تذكري همِّـك , غمِّــك , حزنك , تعبك , ضيقك , يا أختي .. ؟!
بـ تتذكري شي لا استنشقتــي رائــحة الجنة .. !!
بـ صبرك و كبر إيمانك .. !!
علميني بس .. !!
بـ تتذكري اللي لقيتيه في الدنيا .. !!
بـ تتذكري يوم انظلمتي و يوم حزنتِ و تعبتِ و ضقتِ و تألمتِ .. !!
علميني بس .. !!
بـ تتذكري شي .. ؟!
لا و الله ما راح تذكري شي , راح تقولي : يااااارب ما ذقتُ بؤساً قط ..
و الله يا أختــي بـ ترتاحين و الله ثم و الله ..
لكن وين صبــرك للي خلقك سبحانه .. !!
اتركــي هـ الخلق لله , ولا تلفتــي لـ ثرثراتهم ..
هذول يبقون ناس , مهما فعلوا معـك يبقون أضعف ما خلق ربــي ..
على قوتهم يبقون ( أضعف ).. !!
..
أدري تكلمت كثيــر , و ممكن دخلت بأشياء و أشياء ..
لكني كذا سبحان ربــي
ممكن أحب الصراحـة كثــير و أحكي كثيــر
لكن فوق هذا أحب الصمت .. !!
و أهواه جداً ..
يا زينه ..
يخلينا نفكر زين بأنفسنا , و نعيد بـ كل هدوووء حساباتنا ..
فعلاً ( الجلوس لو يوم واحد لحالنا في جو هادي يريح النفس كثييير )..
فـ تخيلي روعة الجو و أكثر , و إنتِ مو بس تختلين بـ نفسك ..
لا .. !!
تحسين فوقه بـ وجود ربِّـك ..
معك و حواليك ..
..
يمكن اللي جابني الحين هنا في هذا الوقت
هو شي بـ داخلي , يحسسني بألم ..
مدري وشو .. !!
بس كل اللي أعرفه إن شوقي للرحمن زاااااد
حتـَّى النوم جفاني بـ هذا الليل
و الدمع يخنقني
..
ممكن يكون كلامـي مجرد ثرثرة و فضفضة لا أكثــر ..
لكن و الله , ما خرج شي من هذا الكـلام إلاَّ و منبعه ” قلبـي ” ..
ادعو لي ألتـقي ربي و هو راضي عليّ
ادعولي التقـي به عمَّا قريب على خير حتـَّى تبرد نار الشوق في صدري
و سامحـوني على كل شـي
أختكم : خلود بنت محمد
