عالم البنات النسائي كل ما يخص المرأة العربية من ازياء وجمال والحياة الزوجية والمطبخ
عقبال ماتاخذ فؤادي ميه عام
ضيعتني منك وانا ما اهتديتك
لا مانسيتك !كيف بنساك مادام
ذكرى الفراق تهزني لو نسيتك
حبك قدر وانا على دين الاسلام
مكتوب في وجه الجبين ورضيتك
ولك منزل في نايف القلب وخيام
وذود الغلا ترعاه ولا شكيتك
يفطر عليك القلب وان فارقك صاام
والله لو انك شوك سدره كليتك
لك فالضمير الود والحشمه اتوام
ولي في ضميرك مثل ما انا بغيتك
القلب طير لادعى للهوى حام
والا انت وكر .. من كثر ماهويتك
كن العيون من النظر عقبك ايتام
وكن مارأيت الا انت يوم رأيتك
وكنك معي وأنا فقدتك من اعوام
مع الخيال القاك كني لقيتك
من صعب وصلك ماتهنيت باحلام
لاجابتك ! فزيت شوق ومحيتك !
يعني وصالك صعب واهدافي اوهام
يعني زرعتك للقدر ماجنيتك
صبرك يقولون العرب كل الايام
يوم عليك .. ويوم لاجاك جيتك
وياقلب ياللي ورثك جروح والام
بليتني ماهو بنا اللي بليتك
ولعتني من عادني بالهوى خاام
واسرفتني وانا خطامك عطيتك
طعتك وزبدة طاعتك هم وهيام
مالله كتب لي واستخرت وعصيتك !
لو للقلوب اسواق بايع وسوام
لابدلك وان جيتني ماشريتك
والا انت ياللي جيش عينيك مقدام
لا اقنعت منك والرجا مارجيتك
كني سجين بين افراج واعدام
وكنك سجن وانا بنفسي بنيتك
عقب الوصال اللي على عين من لام
قدهو يكفيني عن الوصل صيتك
وقدني إلى مريت بالشارع العام
لديت من ما فالضمير ودعيتك
ادري ان صوتي ماقطع عشرة اقدام
وادري بي اعود الي من نصيتك
ياشينها يامحني راس الابهام
ماقدر على شوفك وانا عند بيتك !!!
مما راق لي
ولا اعلم من الشاعر
