عالم البنات النسائي كل ما يخص المرأة العربية من ازياء وجمال والحياة الزوجية والمطبخ
صباح الخير/مساء الخير ياأحلى فراشات
اولا بغيت اعرض مشكلتي في منتدى الحياة الزوجيه بس غيرت رايي
بصراحه هناك يحرجون الواحد ويمسحون به الارض عشانه خليطي ((رجال وحريم))
يابنات انا متزوجه لي سنتين وعندي بنوته والحمد لله
وعمر زوجي 32 وانا 21سنه
المشكله اني غيوووووووره مرررره
لاتقولون عادي لان بصراحه غيرتي بايخه مالها داعي
اقولكم كيف؟
بصراحه اغار من اهله من اصحابه من جريدته من جواله من التلفزيون
وبالذات اخته وبزورتها ((يهتم فيهم بشكل مو طبيعي))
وأنا ماأنكر يهتم فيني بس !!! لحد يضحك ((مابيه يهتم باحد كثري انا وبنتي))
واصلا والله هو كذا مع الناس كلها ((احس اني انانيه وحسوديه)) اعوذ بالله وانا والله قبل اتزوج ماكانت هالصفه فيني ابدا ابدااا
والله مدري وش اقول ((إذا قعد على الجريده)) اقول في نفسي وش قاعد يقرا ؟؟
اذا على التلفزيون مثلا مسلسل وجات وحده حلوه ((اقول في نفسي ياربي ودي اعرف اللي بقلبه ياترى وش قاعد يقول عنها))
اذا كلم اخته ويسولف معها اصرفها((مع انها قد مامتي)) وهي تحبني وتشوفني زي بنتها وانا والله احبها واحب بزرانها … واذا صار للبزران شي وااااي يطلع من جده لمكه ويوديهم للمستشفى((ولا كأن الاب موجود))
واذا كلم بنت اخته وقال هلا حبيبتي …قلبي يحترق ((ليش يقول حبيبتي هالكلمه بس لي انا))
تصدقون حتى بنتي لما يدلعها ويقول مافي زيها….اقوله تراها طلعت مني!!
استغفر الله ياربي
والجوال اذا دق تعالو شوفوا التحقيقات((ومين؟ وش يبغى؟ ليش؟وين رايح؟مع مين؟
يابنات لدرجة ان زوجي بدى يطفش مني ويقول اني مريضه
والحين بديت اغار من اخته الثانيه وهي اكبر مني ب9 او 10 سنين
وهم والله طيبين واصحابه خدومييييين
بس انا انا والله اكتب والدموع بعيني
ساعدوني يابنات((احس اني مريضه نفسيه))قولولي وش اسوي لو سمحتم
طفشت لمن اجلس مع نفسي اعترف اني انا غلطانه
:059:
