علشان خاطر اختنا منيره من الكويت كل شيئ عن….

3- مجمع حياة مول يقع على شارع الملك عبدالعزيز وهو سوق كبييييييييير وفيه هايبر كبيييييير مره اسمه الدانوب ورااقي جدا وهو سوق فخم كل اللي فيه ماركات وفيه مطاعم وملاهي للاطفال-شمال الرياض

4- وصحارى يقع على شارع الملك عبدالله تقاطع الملك عبدالعزيز وهو جنب حياة مول وهو سوق برضوا كبير وفيه هايبر بس مو كبير مره اسمه التميمي وكل المحلات ماركات باستثناء القله-شمال الرياض

5-غرناطه مول هذا في شرق الرياض وكبيييييييييييير مره وفيه هايبر على ما اعتقد اسمه كارفور مجمع فيه مطاعم وملاهي للاطفال-شرق الرياض

6-رويال سنتر هذا صغير مو كبي وهو على طريق الملك فهد-شمال الرياض

7-رمال سنتر هذا على الدائري الشرقي على ما اظن (يا ليت بنات الرياض يصححون الاخطاء لي)وهو كبير وموجود فيه ستي بلازا وكذلك مطاعم -شرق الرياض

8- الرياض قاليري وهذا موجود فيه محل اسمه (كيكا)يشبه ايكيا بس اغلى منه بكثيييييييير بس المجمع مبعد فتح فيه الا القليل من المحلات بس الواضح عليه انه بيغطي على الاسواق الاخيره اللي فتحت معه من كبيره فخامته وفيه هايبر كبييييييييير اسمه جيان حلو مرررره تلقين فيه كل اللي تبين-شمال الرياض

9- لي مول هذا على الدائري الشمالي وفيه كارفور وهو حليو وصغير
وفيه اسواق ثانيه عاديه مثل العلياء مول على طريق العلياء العام وجنبه اسواق الاندلس
نجي جنوب الرياض عندك الله يسلمك
1- سلام مول مجمع حلو بس مو كبير مره وفيه هايبر اسمه جيان وفيه مطاعم وملاهي اطفال
2-البديعه مول هذا في شارع البديعهمجمع صغير بس مرتب وكل الدور الارضي ماركات اما اللي قوف اغلبه محلات عاديه بس تلقين فيها شيئ حلو باستثناء محلات الاطفال اغلبها ماركات وفيه ملاهي للاطفال ومطاعم قليله
3- التعمير هذا وسط الرياض (يسمى الديره)وجنبه سوه اسمه قالاريا مول حلو ومرتب
4-اسواق الراجحي على شارع السويدي العام سوق اقدر اقول عنه انه عادي بس والله حلو عنده محلات تبيع ماركات باسعار خياليه يعني تلقين عندهم من اوكايدي بسعر 10 او15 ريال للاطفال اغلب المحلات هذي

وعندك ستي بلازا لها اكثر من فرع اهمها على شارع الملك عبدالله وعلى الدائري الجنوبي و…..والله نسيت الباقي

كذلك ستي ماكس هذا يشبه ستي بلازا بس ارخص منه بكثير وفروعه كثيره ومنتشره اغلبها في الاسواق واهمها على طريق الملك عبدالله وعلى الدائري الجنوبي

الزبده اهم الشوارع عندك 1-طريق الملك عبدالله فيه اسواق ومحلات كثير ومطاعم بعد
2- طريق الملك فهد
3- التخصصي
4- التحليه هذا مليان كوفيات ومطاعم فخمه

نجي للفنادق
1- الفيصليه بلا منازع افضل فندق في الرياض من كل ناحيه سوا الغرف او الاجنحه او الخدمه هذا على طريق الملك فهد

2- الفورسيزون برضوا حلو بس مو في حلاته الفيصليه في طريق الملك فهد تراه حلو مررررررره بس انا عاجبني الفيصليه اكثر وهذا راي اغلب اللي شافوا الاثنين تراه عالمي
هذي الفنادق التوب في الرياض