عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بيوت الطين لا شفته تذكرني بزمان دار
زمان رغم مابه من قساوة ماحدن سبه
رحلتنا الى ( السليل ) بالنبهانيه يوم الخميس اللي راح …
انصحكم تروحون لها يا اهل القصيم .. عبارة عن قرية قديمه محاطة بالجبال و بيوتها من الطين .. والنخيل الشاهقه والطويله اللي تملى المكان بالرغم من مرووور السنين الا ان النخل مازال ع قد الحياة.. هنا جتني العبرة
وقفت أطلق مدى شوفي واناظر مفرق الدربين
واشوف الدار وعيوني تضم الدرب وجداره
شوفو مساحة بيوتهم كيف .. يالله بالرغم انهم هم اللي يبنونها بأنفسهم الا انهم مايبنون الا ع قدهم ( قمة البساطة والتوضع)
البيت الل ع اليمين هذا مسجدهم راح تشوفون الصور من داخله.. 
هذا هو مجببنا وهذاك الكمر ووجار
وذيك الدكة القصيا وهذا الحوش نلعبه
هذا احد البيوت .. يالله احس هنا صارت قصة ..
اتخيل الابو جالس ومتكي وزجته تقهويه والبزران يلعبون ..
(وين راحووو الحين .. 
هذا المسجد من جوا … ماقدرت اصورة من داخل لانه واضح ان سقفه بس تقولين ( هففف طاح خخخ) عاد اختكم في الله خوااافه .. وهالبزر ماعليكم منه مجازف 
سقاء الله ذيك الايام الخوالي ليتها تندار
سقاء الله لاتجمعنا صارت عندنا الشّبه
شوفو كيف اسقفهم مصنوعه من ايش..
والفرق بين اسقفنا واسقفهم؟
بس اكيد حياااتهم احلااااااا
وهذا مابقى من صفة امي والغمى منهار
غماها من جذوع الاثل واحلى من غمة الصبه
كااانت غرفة … الله المستعان .. مع مروور السنين الغرفة انشق جدرانها وتساقطت اسقفها…
رحم الله من سكنها وسدد خطاه
وصفة جدتي مابقة بها الا بابها وجدار
وصوت الهوى يصفر كلما هب الهوى هبه
زمان به للطفوله في خيالي ذكريات كثار
ياليته ترجع الايام لوقت راح واحبه
هنا شكل القرية من فوق الجبل لاحظو النخل مازال ع قيد الحياة
وبعدها رجعنا لفرشتنا .. بس ماعليكم من الحوووسه اهم شيء الاخلاق خخخخخ
<< عجزت تصور من البزران.. وه ياحوبيييييلهم
ثم اشتد علينا البرد وقمنا نشب النار والبزران يجمعون لنا حطب .. احل مكشتينهم ببلاش
يانـــــــــــار شبي ومن ضلوعي حطبكي<<ياقدمهااا خخخخ
صور للعشب ويازينه زينااااااااااااه
شنطة ولدي داخلة عرض ههههه
ماقولكم عجزت اصور من البزران
الربيع يلون المكان< احلفي
وبكذا انتهت رحلتنا واتمنى تعجبكم
بس ملاحظة للي بيزورونها من اهل القصيم فتحو عيوونكم زين بالذات اللي يسووق لان المكان كله حفر ( بئر ) المكان ملياااااااااااااان حفر وامسكو بزرانكم ..
ياليت بلديتهم تدفنها.. لانها خطييرة
