عالم البنات النسائي كل ما يخص المرأة العربية من ازياء وجمال والحياة الزوجية والمطبخ
على نفس الخطا يمشي زماني=على نفس الخطا في وجه ثاني
يعيد الوقت والتاريخ نفسه=مع اللي في محابيله رماني
شبكني في غرامه غصب عني=وشبكته غصب في عذب المعاني
وجاني مندفع بالحب كله=وجيته مندفع شوق واماني
فتحت القلب له ماهو بشوري=وفتح قلبه بشوري ماعصاني
وهناني على كسبي غرامه=وهنيته ببيته بالمحاني
ملكني وامتلكته بالمحبه=وشريته بالغلا يوم اشتراني
وعشنا الحب في حلوه ومره=وسبحنا في بحر ماله مواني
وخذينا عهد نبقى مانتغير=حبايب مايفرقنا الزماني
وعطيته عهد مااخونه بغيره=سوى طيفه اليامنه لفاني
وعطاني عهد في وصله وقربه=ولاخان العهد يومه عطاني
كسبني بالمشاعر واكتسبته=خذيته شوق وبشوقي خذاني
وكتبت احلا القصايد في غرامه=وغناها طرب بأحلا الاغاني
قريته عشق قبل اكتب شعوره=وسجل لي شعوري ثم قراني
وبنيت احلا المثايل من حديثه=نوادر في معانيها معاني
نويته حب يبقى ماحييته=ومثلي في بقى حبي نواني
وهبته ماملكته في رضايه=وهومايملكه يرخص لشاني
ومرالوقت واحلى وقت عشته معه لو هو على الفرقا حداني
تحداني على قطع المواصل=تحداني وبالفرقا كواني
وانا اللي ماتمنيت المفارق=ولكنه جبرني وابتلاني
يعاندني وانا ماأبغى المعاند=ولا فكرت بعناده ثواني
تحداني وانا مبداي واضح=موت اريح ولااعيش بهواني
تحداني وليته ماتحدى=ياليته حط نفسه في مكاني
ياليته ماجبرني للموادع=ياليته للمجافى مادعاني
ياليته ماتحدى.. في فراقه=ياليته و تحدى بشي ثاني
ياليته وش ياليته ماأنتها=خلصنا وانتهى وقت الأماني
خلصنا والغلا يفرض علينا=نتوادع في محبه وامتناني
فمان الله وآخر شي عندي=عساها له توافيق وتهاني
وانا يالله عساها لي خيره=وعساني ماتعثر في زماني
لو انك يازماني جيت راجع=على نفس الخطا في وجه ثاني
منقوول
