عمرج نومتي زوجج

شخبارحبايب قلبي

هذا الموضوع جدا رائع لايفوتكن
موضوعي يهم كل متزوجه تحب زوجها وتبي راحته بكل الاحوال
طبعا من فيكم يا خواتي المتزوجات ما تتهاوش مع زوجها
وبعض الاحيان مشاكل تتغاضين عنها غصب عنك
ولتقليل هالمشاكل يعني بنخليها بالشهر مره ولا مرتين << خخخخ
وطبعا هذا بعون من الله قبل كل شي بس لا ننسى ان البنوته حباها الله بقوة العاطفه
والحنان ورحابة صدرها لزوجها واطفالها
وانتي طبعا مستحيل تنامي وطفلك صاحي وهو اصلا ماينام الا لما يشوفك ويحس بقربك
ولمساتك ولو حصل وبعدتي عنه ليله ما راح يهنى له نوم من كثرفقدته لك
لكن ما حاولتي عزيزتي الزوجه انك تنومي زوجك ؟ طبعا بتقولي كيف ؟ اعطيه
الرضاعه ولا اللهايه ولا اهدهده
وانا بقولك اي صح عليك بس ……….
رضاعه ولهايه وهدهده من نوع ثاني …….. يعني بالاول جهزي لزوجك ملابس
النوم ….خخخخخخخخخخخخ يعني البجامه تكون مبخره ومعطره بالعطر اللي يحبه هووساعديه انه يلبسها وروحي جيبي له قلاص(كاسة)
حليب يشربها قبل لا ينام او عصير او ماي مثل ما يحب بعدين ذكريه
فرشت اسنانك حبيبي ؟ والسرير طبعا مرتب ونظيف ما فيها كلام
بعد مايحط راسه انتي تكوني متهيأه تمام للنوم من لبس وريحه وسنع وغيره …
بعد جذي قولي له سم بالله ياعمري ورددي معاه اذكار النوم ….
وخليك قريبه منه بعدين حطي يدك على وجهه وراسه وبلمسات خفيفه مثل (زي) الحركات
اللي تساعده على النوم (العيون – الحواجب -الجبهه-الخدين -الاذنين -الشعر -الرقبه)
ولا تحكين باي مواضيع في هذي اللحظه -خمس دقايق بعدين عطيه بوسه قوووووويه ونامي
وبعد حاولي تحطين راسه على صدرك عشان يصير تمام مثل البيبي
صدقيني يصحى لك الصبح اخر روقان ومفرفش وشاق الكشره والفجر بيكون نشيط للصلاة
والله يعينك يوم اللي تقولين بنام عند اهلي يرد ويقول وانا من ينومني
عاد حليها << خخخ
لو سويتي جذي بمعدل 4 مرات بالاسبوع تتلاشى كل المشاكل وتكون طلباتك كلها اوامر
فالرجل طفل كبير يحتاج الى دلال اكثر من الطفل الصغير
وخليه يلاقيه عندك احسن من يدوره عند غيرك
وها شرايكم شئ صح