عناد الطفل تكفووون ابي مساعدة الامهات والخبيرات

السالفة وما فيها عندي بنت بثاني ابتدائي
بصراحة ماعليها ما شاء الله ربي يحفظها بس الشي الوحيد اللي احاول احله هو عنادها
يعني تعاند فالاكل تقول مابغى وماني جيعانة وتكون ماهي ماكلة شي ويوجعها بطنها (بس تقريبا عرفت شلون اتعامل مع هالشي الحمد لله وفيه تحسن)

بس المشكلة الكبيرة هو عنادها في المذاكرة والتافف والعصبية الزايدة لما نجي نذاكر يعني تسوي حالها تعبانة او تقول انها ما تعرف كيف تكتب رغم اني الاحظ تطور خفيف فمستواها وتسمعني وتكتب احسن من المرة اللي قبلها بس اتحطم كل مااشوف نفس ملاحظة الابلة انها ضعيفة فالكتابة والقراءة والقران رغم انها تسمعلي زين وتكتب الاملاء زين
بس والله مادري وش اسوي لاني ابي حلول سريعة نوعا ما لان العام الدراسي ماشي وما ابي نتايجها تتاثر باسلوبها العنادي

لو تقدمولي بعض الاقتراحات عن:
* طريقة حفظ القران و الخط والتركيز
*واهم شي هو العناااااد لان كل اللي مر ممكن التغلب عليه بوسائل بسيطة بس عنادها هو اللي يخليها ما تتقبل التعلم
* ومتى برايكم افضل وقت للمذاكرة
* وهل تحبذون فكرة النوم بعد الغدا الى العصر تقريبا