عنايه دائمة – تجاربي الناجحة بالعناية بالبشره

صار لي فتره وانا احوس بعمري تخبرون تنرعب الوحده منا لما تحس انها قربت للثلاثين

المهم ياحلوات حبيت اكتب لكم عن بعض تجاربي الناجحه مع المستحضرات التجميلية للبشرة والشعر

طبعا قبل ابدا اتكلم عن تجاربي ابي اقولكم شي مهم جدا جدا جدا

وهو انه اهم شي الاستمرارية … يعني انا ما استخدمت هذي المستحضرات يوم او اسبوع او شهر

لا صار لي الحين تقريبا ثمان شهور وناويه بأذن الله استمر طول العمر لانه اعجبني الوضع وبديت اتعود

بس فعلا يابنات بشرتي انقلبت بقوووه … ماشاء الله اذكروا الله

يالله نبدا

اول شي واهم شي نبدا بكريم الليل والنهار اللي لازم ماتغفلين عنه ولا يوم وراح تكون بشرتك رطبه ومشرقه دااائما

انا استخدم كريم لوريال الصباحي والمسائي من مجموعة وايت بيرفكت وهذي صورتهم

واستخدمت قناع مقشر باللوز والخيار من هيمالايا واعجبني يبرد البشره وينعشها وهذي صورته

والسكراب او تقشير البشره استخدم هذا المقشر من لوريال بصرااااحه يطير العقل نااااعم على بشرة الوجه بشششكل ويقشر وينظف وبنفس الوقت يترك البشره لينه وطرية مو جافه
بصراحه انا وصيت وحده من صديقاتي جابته لي من الكويت يعني مو متأكده اذا كان موجود بالسعودية وهذي صورته

وبكذا نكون انتهينا من الوجه

ونجي للايدي والاقدام

للاقدام استخدم كريم العناية بالقدمين من هيمالايا وعاااجبني وهذي صورته

وللايدي اخذت هذي الطريقة من وحده كويتيه بأحد المنتديات ايدينها ما شاء الله الله لايضرها ناعمة كنها قطن

تقول انها حاطة الصنفره – السكراب – المقشر على المغسله يوميا تصحى من النوم تستخدمه لكفوفها

يعني تصنفرهم بشكل يومي وتقول انها تستخدم كريم اسمه (( ماجيك )) انا مالقيته الى الحين قاعده ادور عنه واتوقع راح القاه عند العطار او ابو ريالين

انا استخدم هذي الصنفره

واستخدم معها كريمات كثيره لين القى ماجيك .. احيانا احط كريم ارش هذاك الرخيص حق التبييض واحيانا استخدم فازلين عند النوم واحيانا استخدم زبدة الكاكاو من فازلين يعني الزبده اي كريم يمشي الحال اهم شي يكون يومي ودائم ومستمر

وننتقل الحين للشعر

طبعا اول وأهم شي هي الفيتامينات

انا لي حوالي سنه استخدم فيتامين هير دال وبصراحه مو ناوية اقطعه خصوصا انه الصيدلي قالي انها ماتسمن ولا تفتح الشهيه وهي خااااصة لتغذية الشعر فقط

وهذي صورتها

من ناحية الشامبو استخدم شامبو الفيف من لوريال بصراحه رووووعه ماينشف الشعر وبنفس الوقت ينظف

انا استخدمت هذي المجموعة

للشعر الطويل الباهت الشامبو ممتاز … البلسم ما استخدمته لاني ماحب استخدام اي نوع بلسم يطيح شعري ويخليه دهني … كريم التصفيف حلو احب استخدمه لما اطلع من الحمام وابي شعري مظهره مرتب ومصفصف صح …. والعلبة الصغيره هذي ماسك للشعر يستخدم اثناء الاستحمام اعجبني مررررره لان شعري ماينتفش ولا يجف لما استخدمه

واستخدمت سيروم من نفس المجموعة حلو وخفييييف مايبين بالشعر وهو يحمية من حرارة السشوار
وهذي صورته

حاليا لي كم يوم قاعدة اجرب شي جديد سمعتهم يمدحونه كثير بالمنتديات بس لسى ماشفت النتائج

الا وهو شامبو وتونيك سورسير وهذي صورتهم

الشامبو ريحته مو ذاك الزود بس مو مشكله اذا كان يعالج راح استخدمه بفترة استخدامي للتونيك

وهذا التونك احطه يوميا ويفضل بالصباح والمساء لمفعول اسرع لتكثير الشعر ووقف التساقط

ماله لون ولا ريحه ولا يبين بالشعر

وهذي صورته

احيييه اوجعتني ايدي من كثر الكتابه

بنات مانبي منكم الا دعوة حلوه على هالتعب وتجميع الصور ❗