عنايه كامله بالجسم قبل و بعد نزع الشعر

السلام عليكم ورحوة الله و بركاته
كيفكم يا حلوات..جايبتلكم طريقه حلوه و سهله لنعومه مضمونه و عنايه كامله قبل و بعد نزع الشعر
نبدأ بالخطوات:
1- قبل نزع الشعر بيوم غسلي جسمك بإستخدام الليفه المغربيه و صنفرة الجسم
2- اليوم التالي قبل البدء بنزع الشعر لازم ما يكون فيه اي اثار من اللوشن او اي ماده مرطبه خصوصا اذل كنتي راح تستعملين الحلاوه
3- بعد الانتهاء من نزع الشعر خذي شاور دافئ او ساخن واستعملي ليفه ناعمه لان الجسم يكون متحسس مره و الجلد ما يتحمل اي شي خشن
4- بعد ما تغسلي جسمك بالشاور خذي كميه قليله جدا من البلسم و حطيها على يدك و مرريها على رجولك كامله و كامل ايدك بعد و اشطفيهم على طول
5- بعد ما تنشفي جسمك عدل خذي قطنه مبلله بزيت جونسون الاصفر و مسحي فيها المنطقه الحساسه و الابط و انتبهي الزيت اللي الغطا حقه لونه اصفر اللي بالكاموميل لانه يهدي التهابات الجلد و له اثر مهدئ ويمنع ظهور الحبوب بها المناطق و ترى الوردي ما يفيد مو قد الاصفر
6- حطي لوشن مرطب على باقي جسمك وشوفي النعومه و ادعيلي