عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحبااا صبايا … كيفكم حبيبااتي 
بدخل بالموضوع على طول هالمره لانه خطير ومايحتاج مقدماات
اليوم بنتكلم عن الانوثه والجمال وكل شي تحتاج له البنت …من اول ماتبلغ البنووته خلاص يصير الجمال والدلع والطبع الانثوي هاجس تبي توصل له اي بنت عشان تكون احلى شي
يعني اول شي مطلوب منك الدلع يابناات هذا فرقنا عن الذكر الدلع والغنج
تدلعي وتغنجي لنفسك … ولاهلك . ولصديقات امك عشان يخطبوونك
اذا بتسأليني كيف تكوونين دلووعه بقولك خطوات اقريها بتركيز وافهميهاا اووكي :
1 الجسم : جسمك ثم جسمك ثم جسمك مره مهم وهو الي كل الناس بتشوفه سواء بملابسك او بالعباايه لازم الجسم يكون بيرفكت يعني اوكي يعني مخصرر .. لاتحرمين نفسك من الاكل بس حاولي اي شي تاكلينه يكون مفيد لكل شي فيك مثل ايش طيب ؟ انا اقول لك .. ركزي على الحليب بكل انواعه والجبن بكل انواعه واذا ماتحبين الجبن او الحليب كلي لبنه او زباادي او لبن .. طيب وش فاايدتها ؟؟ مشتقاات الالباان فيها فيتامين الف المفيد للعظام ولنمو الاظافر والشعر بشكل طبيعي وسريع يعني تبين اظافرك تطول كلي شي من مشتقاات الالبان ..
2 الشعر : شعرك طويل او قصير .. ويفي او ستريت لازم عشان يكون حلو قبل كل شي حبيه .. اذا حبيتي اي شي فيك تصيرين حلووه .. اعتني بشعررك اذا قصير تبينه يطوول حطي عليه زيت السمسم او زيت السدر او جداايل وانا انصحكم بجااديل مره يطول ومفعوله حلو بس خذي الغالي لان الرخيص مغشووش حطيه اربع ساعات على شعرك وغسليه .. ولما تجين تغسلينه تعرفين الجلي ؟ ايه الجلي الاحمر الي نااكله .. حطيه بعلبه واعصري عليه الشاامبو وخليه بالحماام بحيث انك كل مره تجين تاخذين شاور تغسلين بالشاامبو المخلوط مع الجلي راح يعطيك ريحه حلووه وماراح يبقي اثر لريحة اي شي كنتي حاطته بشعررك غير كذا ترا يا بناات يكثف الشعر ويسااعد على نمووه انتوا جربوا مره وماراح تخسرون شي .. اما اذا شعرك خفيف وتبينه يكثر .. فيه شي عند العطارين اسمه مشاط . هو نفس الحنا حطيه وماراح تندمين مرره يهبل والله .. كمان عندك القهوه التركيه السودا المرره حطيها مع اي زيت على شعرك .. وطبعا اي زيت بتحطينه يجلس على فروة الشعر اقل شي 4 ساعات عشان يسوي مفعول 😆 🙄
3 بشررة الوجه: عااد هااذي الفقره غنيه عن التعرريف كل المنتدى ماسكات البنوتات ماقصروا خذي اي ماسك يناسب بشررتك واذا محتااره وش تاخذين صابون .. ماعليك الا تاخذين صابونة البابايا وتستعملينها لانها حلوه وتنااسب كل انواع البشررات 😎
بشرة جسمك : لازم تكون نااعمه وهذا شغل الحلاوه وفيه خلطه للي يعانون من السماار للتبيض الي هي خلطة بيااض الثلج مره حلو ولو داومتي عليها كل يوم مدة اسبوع راح تشوفين الفرق على طوول وللي ماتعرف هالخلطه هي تتكون من : صابونة غار ابشريها وحطيها بعلبه وصبي عليها موية ورد وخليها تختمر يوم كامل بعد كذا حطي عليها ملعقتين كركم جسم من عند العطاار وحطي عليها فنجال زيت ( لوز حلو_ لوز مر_ خروع_ جلسرين ) وعلبة فكس صغيره وعلبة جولسيد احمر وقهووه عربيه .. القهوه الي تحطونها بالدله اقصد
افرديها على جسمك واتركيها ساعتين وحاولي تسوين بها تقشير لان القهووه راح تكون حبيباات صغيره وبعد كذا تحممي وبتشوفين النعومه كيف . ارجع واقول كل يوم لمدة اسبوع
5 الاظااافر : تتغذا على فيتامين الف الموجود باللبن والحليب والجبن واللبنه .. كلي هالاشيااء عشان تطول اظاافرك وكل يوم افركيها بالثووم والليمون .. وسويلها سكراب عبااره عن ( سكر +فازلين+ زيت زيتون) وبعد مااتسوي السكراب .. فيه عندك عدة برزنتيشن من برزنتيشنااتي
يعني اختااري احد الكريمات هااذي( كريم اليدين مو بودي شوب او فازلين لليد والاظافر) تبون الصدق كلهم عندي وكلهم حلووين اختاروا الي تبوون وفيه عندك خلطه زيتيه لنمو الاظافر الي هي بعد ماتسوين السكراب وكل شي …( ملعقه صغيره زيت لوز حلو وزيت لوز مر وزيت جلسرين ) حطيها على يدك وناامي وراح تحسين بنعومتها بالصبااح
6 الاقداام : قدمك الي هي رجلك
محتااجه عنايه جدا فاائقه وخصوصا ان حنا بالشتاا يعني لازم لازم تعتنين فيها طيب كيف ؟؟ سوي كل الي تسوينه ليدك في رجولك يعني ابردي اظافرك ورتبيها وحطي ثوم عشان تطول اظافر رجلك بشكل مرره كيوت وبعد كل وضووء نشفيها وحطي عليها كريم جرجنز بالعناايه الفاائقه والبسي شراب حق البيت وبس 
الحين خلصنا من الشكل الخاارجي نجي للمضموون وحركات الدلع :
صووتك خليه نعووم وكلمااتك اختااري كلمات بنااتيه تخقق امشي مشي اميررات وعباايتك اختااري الوانها نااعمه مرره .. والشوز تبعك لاتخلينه فسفووري منور خذي بيج او ووردي او موف يعني الوان نعوومه .. واذا طلعتي السووق البسي جنز وتي شررت وخذي شنطه لاتجلسين نفس الهبله بدوون شنطه
حطي فيها المحفظه وعطر ريحته مرره خفيفه وكريم ليدك ومعقم ديتول ومفتاح بيتكم وجوالك وشنطه مره صغيره حق مكياج اذا بتعدلين او شي حطي فيها كحل وبرايه ومسكره وروج وقلووس ومرطب طبي لابيلو مثلا 
خليك مرتبه باي مكان لو في البيت او بالسوق او حتى طالعين البر . البنوته لازم تكون كيوت وشيك باي مكاان ..حواجبك لازم لازم تكون بيرفكت لان الحواجب هي سر جمال المراه ,, شقريها بس لاتصبغين سوي تشقير بس وارسمي بكحل اسود عاادي عشان يكون شكلك مره طبيعي وحطي لابيلو احمر او رووج وخففيه عشان تطلعين حلووه وانتي في البيت
واهم شي يابنات اهم شي النفسيه لازم تكونين راضيه عن نفسك من حيث اهتمامك بصلاتك وادااء عباداتك وواجباتك تجااه رب العالمين ومن حيث اهتماامك بدرااستك واخيرا واهم شي اهتماامك بنفسك … انا في الجاامعه الحين والحمدلله صح اني انكررف بس والله موفقه بين هالاشيااء كلها يعني افضي لنفسك يوم بالاسبووع ودلعي عمرك .. ترا الحيااه حلوه ومايبيلها الا انك تعتنين بنفسك وتريحين مخك من اي شي وحننا يعني جالسين نعيش احلى مرااحل عمررنا 
منقوووووووووووووووول والرجاء الدعا لصاحبه الموضوع الله يسعدها ويوفقها دنيا واااااااخره
