عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
كيف الحلوات
الكتاب من عنوانه واضح
بتجيك عزيمة وماعندك شغاله
التنظيف مو مشكله تنظفين قبل بيوم
نفس الشي الحلا مو مشكله تصلحينه قبل بيوم او يومين ما يتأثر او حتى تطلبين جاهز
القهوة والشاهي امرهم سهل
لكن المشكله في شيئين
الأول الأطباق الرئيسية وش تصلحين ومتى
الثاني التنسيق بين تجهيز قهوتك وشاهيك وترتيب سفرتك وتصليح عشاك والجلوس مع ضيوفك
وبقول لكم قصة صارت لي
قمت من النوم الساعه 11 على خبر مفاجيء وهو ان ابو زوجي و ام زوجي بيجون يتغدون عندي قلت مو مشكلة خالي وخالتي عادي ما أشيل لهم هم اللحمه مطلعتها الفجر قلت ان شاء الله تكفينا كلنا زدت في كمية الرز وجهزت السلطه
رحت بصلح القهوه لقيت الغاز خلص قلت لزوجي وكانت المحلات سكرت لأنه يوم جمعه قلت الصبر زين رحت رتبت الصالة على أساس اننا بنجلس فيها والمقلط لأني بحط الغداء فيه ونظفت مغاسل الرجال وحمامهم احتياط لو دخلوه
جاء الغاز الساعه وحده الا ربع ولعت على اللحمه وصلحت ترمس قهوه وترمس شاهي بعد ربع ساعة تقريبا دخلت خالتي معها اولاد بنتها وولدها وكلهم شباب كبار يعني اتغطى عنهم وقالت ان بناتها ثنتين بيجون
يا خرااااااااااااااااااااااااااااااااشي كنت حاوأع من طولي <<<<بالمصري
واطير كأني سوبرمانه اصلح ترمس ثاني قهوه وشاهي واصف التمر والفناجيل والبيالات من جديد
وادق على زوجي قلت الغداء مايكفي قال بجيب رز ودجاج زياده واطلع باميا من الفريزر واصلحها وازيد السلطه وزوجي جاب كريمة كراميل جاهزه وبدل سفرة وحده صفيت سفرتين
طبعا مع الحوسه وترتيب سفرتين ماقعدت مع الضيوف والمواعين تراكمت في المطبخ
وكانت صراحه زيارة تفشششششل
احس اني عطيت انطباع سيء عني كربة منزل فاشلة
خلونا هنا نتساعد كيف تقدمين عزيمه بأبهر صورة وفي نفس الوقت يصير عندك وقت تقعدين مع ضيوفك وتتقهوين وتحلين وانت بدون شغالة
تكفووووووووووووووووووووون لا تنقلون الموضوع من هالقسم
