عندك فستان فرح أو سهرة مستعمل و حابة تبيعيه؟ تعالي أعرضه لك مــــــــــجــ ـــــــانا

فراشاتي الغاليات

اليوم أنا كنت أتصفح قسم البضائع المستعملة و لقيت أنو فيه مواضيع للي تبغى تبيع و لما تجي الوحدة تشتري يكون الموضوع ضايع بين باقي المواضيع و كل ما رفعته البائعة ينزل. نفس الشي بالنسبة للشارية.

و بما أن أنا عملت موقع متخصص للفساتين، فحبيت أعرض عليكم الخدمة المجانية هذي. أي وحدة عندها فساتين زفاف أو ملكة أو سهرة مستعملة حابة تبيعها ترسل لي الصور الواقعية للفستان حقها و السعر مع التفاصيل و طرق الاتصال الإيميل أو غيره. لأني نويت أعمل قسم في الموقع خدمة مجانية لإعلانات الفساتين المستعملة. و هذا القسم كما وضحت هو خدمة مجانية عشان تعرضي فستانك على الفئة المستهدفة مباشرة و عشان هم كمان يلاقوك من غير تعب.

احنا في موقع قن و ذوق ما نضمن إلا المنتجات اللي باسم الموقع و لا نضمن أي بضاعة في قسم المستعمل لأنها ستكون لجميع الأفراد. نحن نقوم فقط بخدمة مجانية هي تجميع الإعلانات في موقع متخصص في الفساتين عشان اللي حابة تشتري المستعمل تلاقي طلبها على طول في مكان واحد.

يالله اللي حابة تعرض في موقعي ترسل لي على الإيميل الأشياء التالية:
1- صور واقعية للفستان: لا ترسليلي صورة الموديل، أرسلي صورة الفستان من تصويرك أنت
2-تفاصيل الفستان: ايش الخامة المستخدمة و ايش نوع الزينة (تطريز و لا كريستال و لا خرز الخ)
3- معلومات الاتصال: عشان اللي حابة تشتري الفستان تعرف توصلك.
4- السعر المطلوب في الفستان
5- الشحن يكون على مين؟

طبعا اللي عندها أي استفسار عن الفستان ممكن تراسلك على وسائل الاتصال أو تكتب سؤال في قسم التعليقات على المنتج عشان كدة لازم تزوري المنتج بين فترة و أخرى عشان تردي لو كان فيه أي استفسارات.

آخر نقطة حابة أقولها: يستمر عرض الفستان في الموقع لمدة ثلاثة أشهر، وبعدها لو ما انباع الفستان أرسلي لنا طلب تجديد العرض (كمان خدمة مجانية) لثلاثة أشهر أخرى. لو ما ارسلت طلب التجديد و كان في عندنا زحمة في الإعلانات ممكن نشيل إعلانك.