عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحباا ..
انا عندي مشكلة شوي صعبة وغريبة في نوعها .. انا بطرحها لكم وانشاء الله تقدورون تفيدوني ..
انا عمري 19 سنة .. ادرس في امريكا صار لي سنتين .. انا البرنامج اللي ادرسه في امريكا عبارة عن سنة ادرس فيها لغة انجليزية وبعد كذا ادخل الجامعة .. المهم انا صار لي سنة ونص ادرس اللغة .. لان انا ضاعت علي ثمانية شهور في معهد لغة كان التدريس فيه مو كويس .. وبعد كذا نقلت الى معهد اخر .. والحمدلله كنت انجح دايما .. المهم صار لي سنة ونص وانا ادرس اللغة ..
انا طولت عليكم في البداية لكن .. البداية مهمة انكم تعرفون عني وعن المشكلة اللي بطرحها .. لان اتمنى تعرفوا حالي في الغربة ..
انا صار لي مشاكل في امريكا مع الجامعة ومع الملحقية السعودية لكوني سعودية مبتعثة .. على التخصص وعلى دخول الجامعة والخ ..
كل هذي الاشياء وكل هالظروف .. كانت مشاكل ضاغطة علي .. يعني بالرغم من ضغط الغربة وتحمل مسؤولية نفسي .. كانت هذي المشاكل تزيد في الضغط
طبعا البنت اذا صار عندها مشاكل اول ناس تلجأ ليهم هم اهلها .. امها وابوها خصوصا .
. انا كنت اخبر اهلي بكل شي يصير ليي وكانت يوم عن يوم تزيد مشاكلي في امريكا وكأن في احد حاسدني او احد يهدر عليي .. لان مثل ماتعرفون الهدرة مو زينة .. تغربل الشخص ..
بعد كل ذا .. عرفت ان امي وابوي هم اللي يهدرون علي من وراي بالبيت
..
يعيبون علي ان انا ماخلصت .. وهم اول ناس عارفين بظروفي ..
يعني انا كنت اقول لهم كل شي .. واذا مشكلة من المشاكل انحلت يباركون لي .. وفي الاخير اتاريهم يباركون لي بوجه والوجه الثاني يسخرون علي ..
يمكن مشكلتي مو كبيرة بالنسبة ليكم .. لكن بالنسبة لي كمغتربة ومحتاجة احد افضفض ليه .. موضوع جدا مهم
.. اذا انا مارجعت الى اهلي .. ارجع الى مين .. واذا اهلي ماساندوني .. مين اللي بيساندني ؟واذا اهلي بالبلد مارفعوا معنوياتي مين اللي بيرفعها …
اذا امي وابوي مادعو لي بالتوفيق .. كيف ربي بيوفقني ؟ علما ان انا عمري مازعلتهم مني بكلمة او بأي شي بالعكس .. انا البنت الحنونة عليهم..
بس والله ماادري ايش اسوي ..
انا قلت ان خلاص مارح اقول لهم اي شي يصير لي .. رح اظل سا كتةوخبي جراحي ومشاكلي بقلبي
اتمنى مساعدتكم وملاحظاتكم على الموضوع .. تكفووووون :(…
