عيالي و الدراسة <<>> جننوني

السلام عليكم و رحمة الله و بركاته

ما لي بالمقدمات و لا أعرف لها
بس أنا عندي ولدين واحد ثاني إبتدائي والثاني بأول إبتدائي >> بس للأسف فاشلين 😎 بالدراسة

مررة ما يحبونها بجد ما أدري وش أسوي معاهم
حاولت أطول بالي عليهم و لا أعصب بس ما فاد بشي
بحكم أني موظفة و ما أجي للبيت إلا الساعة ثنتين و نص ، قلت هالترم بأخذ إجازة رعاية مولود و أتفرغ لهم تفرغ تام ، لكن للأسف نفس مستواهم ما أتحسنو أبد

المشكلة كيف أحببهم للمدرسة وللدراسة أحاول دايم أشجعهم و أضرب لهم أمثلة شوففو ولد عمكم ما شاء الله عليه كبر وصار ضابط لأنه يوم كان بسنكم يذاكر و يحب المدرسة . . . . و أمثلة لا حصر لها

غير كذا سحبت منهم الإيباد و واعدتهم أشتري لهم إيباد جديد في حالة أ،هم نجحو و جابوا لي درجات حلوة لكن للأسف برود حد الجمد

طبقت معاهم مبدأ الثواب والعقاب و مبدأ الحرمان و مبدأ المكافأة . . . لكن للأسف
أستغفر الله بس
أنا قلت أكيد كل العيال هالجيل نفس عيالي بس مرة ولدي جاب بالغلط كتاب لغتي حق صديقة (ما شاء الله لا قوة إلا بالله عليه ، الله لا يضره ويحفظه لأهله بسم الله عليه) خطة مرة حلوة و مرتب بجد حسيت أني أم فاشلة جداً جداً جداً
أبوه طبعاً ماله علاقة في دراستهم ولا يتدخل و بنفس الوقت باله مو طويل أبد لو فكر وذاكر لواحد منهم ممكن يكرهه بالمدرسة و بالدراسة كلها

قرقرقرقرقرقررقر …………… معليش تكلمت كثير مررررة بس مررررة مقهورة
فأتمنى منكم مساعدتي وش أسوي معاهم